- 2021-04-28 02:42:40
- បាល់ទះ
ពេលហាត់គ្រូដាក់វីឡេខ្ពស់ជាងពេលប្រកួតមកពីមូលហេតុអ៊ីចឹងសោះ
- 2021-04-28 02:42:40
- ចំនួនមតិ 0 | ចំនួនចែករំលែក 0
ពេលហាត់គ្រូដាក់វីឡេខ្ពស់ជាងពេលប្រកួតមកពីមូលហេតុអ៊ីចឹងសោះ
ចន្លោះមិនឃើញ
ជាទូទៅវីឡេស្តង់ដារផ្នែកបុរសគឺមានកម្ពស់ ២,៤៣ ម៉ែត្រជាវីឡេសម្រាប់ប្រកួត ប៉ុន្តែនៅពេលហ្វឹកហាត់គ្រូបង្វឹកតែងលើកកម្ពស់វីឡេឲ្យខ្ពស់ជាងនេះ អាចដល់ ២,៤៥ ម៉ែត្រឬ ២,៥០ ម៉ែត្រក៏មាន។
ទាក់ទងចំណុចនេះ ណារិទ្ធ អ្នកលើកបាល់របស់ក្លឹបក្រសួងមហាផ្ទៃធ្លាប់ប្រាប់ឲ្យដឹងថា ហេតុផលនៃការដាក់កម្ពស់ហ្វឹកហាត់ខ្ពស់ជាងកម្ពស់ប្រកួត គឺដើម្បីឲ្យកីឡាករប្រឹងលោតពេលហ្វឹកហាត់ឲ្យបានខ្ពស់។ នៅពេលលោតបានខ្ពស់វ៉ៃវីឡេខ្ពស់ដែលជាវីឡេហ្វឹកហាត់បានល្អ ចេញលេងកម្ពស់វីឡេធម្មតាវាធ្វើឲ្យកីឡាករមានភាពងាយស្រួលក្នុងប្រកួតទាំងវ៉ៃផ្ដាច់ និងបាំងជាដើម។
វីឡេក្រុមបាល់ទះផ្នែកបុរសមានកម្ពស់ស្តង់ដារ ២,៤៣ ម៉ែត្រ បណ្ដោយ ១៨ ម៉ែត្រ ទទឹង ៩ ម៉ែត្រ និងថែមតពីបណ្ដោយ ៣ម៉ែត្រទៀតសម្រាប់ទីតាំងវាយសេវ៉ា។
-បើវីឡេក្រុមបាល់ទះផ្នែកបុរសអាយុចាប់ពី ៥៥ ដល់ ៦៩ឆ្នាំ មានកម្ពស់ ២,៣៨ ម៉ែត្រ បណ្ដោយទទឹងដូចគ្នា។
-បើវីឡេក្រុមបាល់ទះផ្នែកបុរសអាយុចាប់ពី ៧០ ឡើងទៅ មានកម្ពស់ ២,២៩ ម៉ែត្រ បណ្ដោយនិងទទឹងដូចគ្នា។
-វីឡេបាល់ទះផ្នែកស្ត្រី មានកម្ពស់ ២,២៤ ម៉ែត្រ បើអាយុចាប់ពី ៤៥ឆ្នាំឡើងទៅ មានកម្ពស់ ២,១៩ ម៉ែត្រ ខណៈបណ្ដោយ និងទទឹងដូចទៅហ្នឹងផ្នែកបុរសដែរ៕