- 2021-04-27 07:23:07
- ប្រដាល់
វីរបុរស Aung La N Sang ប៉ះម្ចាស់ខ្សែក្រវាត់ថ្មី ក្រោយ Bigdash ដកខ្លួន
- 2021-04-27 07:23:07
- ចំនួនមតិ 0 | ចំនួនចែករំលែក 0
វីរបុរស Aung La N Sang ប៉ះម្ចាស់ខ្សែក្រវាត់ថ្មី ក្រោយ Bigdash ដកខ្លួន
ចន្លោះមិនឃើញ
ជើងឯកពិភពលោក ONE Light Heavyweight របស់ស្ថាប័ន ONE Championship វីរបុរសមីយ៉ាន់ម៉ា Aung La “The Burmese Python” N Sang ត្រូវឡើងសងសឹកសត្រូវចាស់នាព្រឹក ថ្ងៃព្រហស្បតិ៍ ទី២៩ ខែមេសាខាងមុខ (ម៉ោងនៅកម្ពុជា) បន្ទាប់ពី Vitaly Bigdash ដកខ្លួន។
ដើមឡើយ Aung La N Sang ត្រូវបានផ្គូផ្គងឲ្យជួបដៃគូចាស់ដែរដែលជាអតីតជើងឯកពិភពលោក ONE Middleweight គឺកីឡាករ Bigdash ក្នុងជួបលើកទី៣របស់អ្នកទាំងពីរដែលនឹងត្រូវផ្សាយផ្ទាល់ទៅកាន់ទឹកដីអាមេរិកក្នុងម៉ោងពិសេស។
ប៉ុន្តែការប៉ុនប៉ងជួបគ្នាលើកទី៣ជាមួយកីឡាកររស្ស៊ីត្រូវបានអាក់ខានវិញ ព្រោះដៃគូចាស់ម្នាក់នេះបានដកខ្លួនដោយសារបញ្ហាកូវីដ-១៩ ដែលមិនអាចចេញទៅប្រកួតនៅព្រឹត្តិការណ៍ “ONE on TNT IV” ក្នុងការការឡើងប្រជែងខ្សែក្រវាត់ខាងលើ។
វាមិនធម្មតានោះឡើយ ការជំនួសមកវិញនូវកីឡាករជាជើងឯកពិភពលោក ONE Middleweight គឺ Reinier “The Dutch Knight” De Ridder។ “The Dutch Knight” មិនទាន់ស្គាល់បរាជ័យឡើយរហូតដល់ពេលនេះក្នុងអាជីពរបស់ខ្លួន។
រឿងគួរឲ្យកត់សម្គាល់ កាលពីខែតុលា ឆ្នាំ២០២០ ជើងខ្លាំង Ridder ដណ្ដើមបានខ្សែក្រវាត់ពិភពលោកបាន១គ្រឿងមកគ្រប់គ្រងពី Aung La N Sang នេះឯង។
ការប្រកួតពេលនោះសឹងមិនគួរឲ្យជឿ បន្ទាប់ពីអ្នកជំនាញក្បាច់ឃ្លេប្រើពេលខ្លីដើម្បី រឹត-កកីឡាកររហស្សនាម “ពស់ថ្លានភូមា” ឲ្យគោះដៃសុំចុះចាញ់ក្នុងទឹកទី១ និងមិនទាន់ឲ្យអ្នកទស្សនាជក់ភ្នែកផង។
ទោះជាយ៉ាងណា ជើងខ្លាំងទាំងពីរមានឱកាសជួបគ្នាសាជាថ្មីដោយ De Ridder នឹងព្យាយាមបញ្ចប់ជើងខ្លាំងមីយ៉ាន់ម៉ាដើម្បីដណ្តើមខ្សែក្រវាត់ពិភពលោកទី២ ប៉ុន្តែម្ចាស់ខ្សែក្រវាត់ Aung La N Sang នឹងប្រឹងការពារខ្សែក្រវាត់ពិភពលោករបស់ខ្លួន ក៏ដូចជាសងសឹកឲ្យបានសម្រេចដើម្បីផ្តល់ពាក្យថា បរាជ័យដល់កីឡាករហូឡង់ម្នាក់។
តើ តារាមីយ៉ាន់ម៉ា របូតខ្សែក្រវាត់ទី២ ឬ នៅការពារបានសម្រេច?
