- 2021-04-22 02:47:46
- ប្រដាល់
ហង្ស រ៉ាម៉ន ធ្លាប់តែ១ថ្ងៃបង្ហាត់ ៤-៥ម៉ោង ដល់ឥលូវដេកផ្ទះដូចពិបាកណាស់
- 2021-04-22 02:47:46
- ចំនួនមតិ 0 | ចំនួនចែករំលែក 0
ហង្ស រ៉ាម៉ន ធ្លាប់តែ១ថ្ងៃបង្ហាត់ ៤-៥ម៉ោង ដល់ឥលូវដេកផ្ទះដូចពិបាកណាស់
ចន្លោះមិនឃើញ
អតីតអ្នកប្រដាល់សកលជម្រើសជាតិ ហង្ស រ៉ាម៉ន ពីមុនធ្លាប់តែចេញបង្ហាត់សិស្ស ៤-៥ ម៉ោងក្នុង១ថ្ងៃ ឥលូវដេកផ្ទះបែបនេះធុញ និងពិបាករស់នៅណាស់។
ហង្ស រ៉ាម៉ន បានឲ្យដឹងថា អំឡុងពេលប៉ុន្មានសប្ដាហ៍នេះគឺចង់ដាច់ស្បៀងដែរហើយ ព្រោះពឹងទៅលើការចេញទៅបង្ហាត់សិស្សបែបសុខភាពដើម្បីចំណូលទ្រទ្រង់ប្រចាំគ្រួសារ។ មួយវិញធ្លាប់តែចេញចូល និងទៅបង្ហាត់សិស្សជាច្រើនកន្លែង ដល់ឥលូវនៅតែផ្ទះអង្គុយដេកបែបនេះហាក់ពិបាកទាំងកាយ និងអារម្មណ៍បន្តិច។
អតីតអ្នកប្រដាល់រូបនេះសង្ឃឹមថានឹងឆាប់បានដូចពីមុននេះ ដើម្បីបានចេញទៅធ្វើកិច្ចការរៀងៗខ្លួន និងរកចំណូលតាមដែលអាចទៅបានឡើងវិញ។ ព្រោះបើបន្តបែបនេះជីវភាពនឹងជួបការលំបាកជាមិនខាន។
រំលឹកដែរថា រយៈពេលប៉ុន្មានខែនេះកម្ពុជាផ្ទុះជំងឺកូវីដ ១៩ ជាខ្លាំង និងរកឃើញអ្នកឆ្លងជាបន្តបន្ទាប់មិនដាច់នោះឡើយ ខណៈអ្នកស្លាប់ដោយសារជំងឺនេះក៏ចេះតែមាន។ រយៈពេល២សប្ដាហ៍ចុងក្រោយនេះរាជរដ្ឋាភិបាលសម្រេចចេញសេចក្ដីប្រកាសបិទខ្ទប់សម្រាប់ប្រជាពលរដ្ឋនៅភ្នំពេញ និងតាខ្មៅផងដែរដើម្បីទប់ស្កាត់ការរីករាលដាលជំងឺកូវីដ ១៩៕
