/60739f1a37ca7_1618190100_medium.jpg)
- 2021-04-12 00:47:09
- បាល់ទាត់
មិត្តរួមក្រុមកំពុងឡើងជើង ចំណែក សៀន សុភក្ត្រា បាត់ដំណឹងសូន្យឈឹង
- 2021-04-12 00:47:09
- ចំនួនមតិ 0 | ចំនួនចែករំលែក 0
មិត្តរួមក្រុមកំពុងឡើងជើង ចំណែក សៀន សុភក្ត្រា បាត់ដំណឹងសូន្យឈឹង
ចន្លោះមិនឃើញ
សៀន សុភក្ត្រា បានបាត់ដំណឹងពីទីលានសូន្យឈឹង ស្របពេលមិត្តរួមក្រុមរបស់គេម្នាក់ៗ កំពុងតែឡើងជើងគួរឱ្យកត់សម្គាល់ក្នុងរដូវកាលនេះ។
ជុំវិញការអវត្តមានលើទីលានប៉ុន្មានប្រកួតកន្លងមក គឺដោយសារខ្សែប្រយុទ្ធរបស់ក្លឹបបាល់ទាត់អគ្គិសនីខាងលើ មានបញ្ហារបួសជង្គង់ខាងស្ដាំ អំឡុងពេលហ្វឹកហាត់តាំងពីមុនបើករដូវកាលមកម្ល៉េះ ហើយសព្វថ្ងៃគេកំពុងតែសមម្រាកព្យាបាល។
ខ្សែប្រយុទ្ធវ័យក្មេងរូបនេះប្រាប់ថា ៖«សម្រាប់បញ្ហារបស់ខ្ញុំ ខ្ញុំរបួសតាំងពីមុនលីគ ហើយដល់បន្ទាប់មកខ្ញុំសម្រាកប្រហែលជាជិតមួយខែ បន្ទាប់មកខ្ញុំចូលហាត់ ហាត់ប៉ុន្មានក៏វានៅឈឺ ខ្ញុំក៏សម្រាកទៀតរហូតដល់ឥឡូវ»។
ជម្រើសជាតិកម្ពុជាឈុតយុវជនដដែល បានបង្ហាញអារម្មណ៍សោកស្ដាយ ដែលមិនអាចជួយក្រុមបានក្នុងប៉ុន្មានប្រកួតកន្លងមក ហើយលើកឡើងថាក្នុងនាមជាកីឡាករបាល់ទាត់ម្នាក់ គេមិនអាចជៀសផុតពីបញ្ហារបួសបានឡើយ។
ចំពោះពេលវេលាចូលហ្វឹកហាត់ជាមួយក្រុម សុភក្ត្រា នៅមិនទាន់ដឹងនៅឡើយ ដោយថ្ងៃទី១៥ ខែមេសា ឆ្នាំ២០២១ខាងមុន គេនឹងត្រូវទៅជួបគ្រូពេទ្យម្ដងទៀត៕
