- 2021-04-10 07:59:01
- បាល់ទាត់
Bata ថាការផ្លាស់ប្ដូរក្លឹបច្រើន ធ្វើឱ្យគេកាន់តែល្អ និងមានបទពិសោធច្រើន
- 2021-04-10 07:59:01
- ចំនួនមតិ 0 | ចំនួនចែករំលែក 0
Bata ថាការផ្លាស់ប្ដូរក្លឹបច្រើន ធ្វើឱ្យគេកាន់តែល្អ និងមានបទពិសោធច្រើន
ចន្លោះមិនឃើញ
ខ្សែប្រយុទ្ធ Dzarma Bata បានលើកឡើងថាការផ្លាស់ប្ដូរក្លឹបលេងច្រើន ធ្វើឱ្យរូបគេកាន់តែលេងល្អ និងមានបទពិសោធន៍កាន់តែច្រើន ក្នុងការប្រជែងនៅលីគកំពូលកម្ពុជា។
ខ្សែប្រយុទ្ធសញ្ជាតិនីហ្សេរីយ៉ារូបនេះ បានផ្លាស់ប្ដូរក្លឹបជាច្រើនដូចជាក្លឹបបឹងកេត ភ្នំពេញក្រោន ព្រះខ័នរាជស្វាយរៀង អាស៊ីអឺរ៉ុបយូណាយធីត សូលទីឡូអង្គរ និងអង្គរថាយហ្គឺរ។
ត្រង់ចំណុចនេះ Bata បានលើកឡើងថា ៖«ការលេងក្លឹបច្រើនមិនប៉ះពាល់ដល់ការលេងរបស់ខ្ញុំទេ មានតែធ្វើឱ្យខ្ញុំកាន់តែលេងល្អ និងមានបទពិសោធកាន់តែច្រើន។ ធ្វើឱ្យខ្ញុំងាយស្រួលលេង ព្រោះខ្ញុំធ្លាប់លេងជាមួយពួកគេពីមុនមក ហើយអ្វីដែលសំខាន់នោះ គឺលេងតួនាទីខ្លួនឯងឱ្យបានល្អ និងស្ដាប់ការណែនាំរបស់គ្រូបង្វឹក»។
រដូវកាលឆ្នាំ២០២០ជុំទីមួយ Bata លេងឱ្យក្លឹបអង្គរថាយហ្គឺរ ខណៈជុំទីពីរគេជាផ្នែកមួយដ៏សំខាន់ក្នុងការជួយឱ្យបឹងកេត លើកពានលីគកំពូលកម្ពុជា។
រដូវកាលឆ្នាំ២០២១នេះ Bata បានចូលរួមជាមួយក្លឹប TIFFY Army ហើយការមកដល់លើកនេះ គេថាមិនពិបាកក្នុងការសម្របខ្លួនទេ ព្រោះគ្រូបង្វឹក កីឡាករខ្មែរសុទ្ធសឹងជាមិត្តចាស់ ដែលគេធ្លាប់លេងជាមួយ។ ចំណែកកីឡាករបរទេសមួយចំនួនដូចជា Yuta Kikuchi និង Cristiano Sergipano ក៏ជាមិត្តរួមក្រុមចាស់ដូចគ្នាដែរ៕