- 2021-04-05 02:46:55
- បាល់ទាត់
Mbappe តែងប្រាប់ខ្លួនឯងថា គេល្អជាង Messi និង Ronaldo ពេលដើរចូលទីលាន
- 2021-04-05 02:46:55
- ចំនួនមតិ 0 | ចំនួនចែករំលែក 0
Mbappe តែងប្រាប់ខ្លួនឯងថា គេល្អជាង Messi និង Ronaldo ពេលដើរចូលទីលាន
ចន្លោះមិនឃើញ
Kylian Mbappe បានប្រាប់ឲ្យដឹង គេតែងប្រាប់ខ្លួនឯងថា គេគឺជាកីឡាករឆ្នើមបំផុតក្នុងលោកល្អជាង Lionel Messi និង Cristiano Ronaldo ពេលដែលដើរចូលទីលាន។
ខ្សែប្រយុទ្ធរបស់ក្លឹប Paris Saint-Germain វ័យ២២ឆ្នាំកំពុងក្លាយជាកីឡាករល្អជាងគេក្នុងលោក ត្រៀមស្នងតំណែង Messi និង Ronaldo ដែលប្រជែងគ្នាអស់ជាង១៥ឆ្នាំទៅហើយ។ Messi និង Ronaldo ឈ្នះពាន Ballon d’Or សរុបចូលគ្នា១១ដង គិតចាប់តាំងពីឆ្នាំ២០០៨ ហើយបានសាងកំណត់ត្រាគ្រាប់បាល់ទាំងក្នុងក្លឹបនិងជម្រើសជាតិរបស់ពួកគេ។
Mbappe ត្បិតវ័យក្មេងមែន តែគេមានឈ្នះពាន World Cup រួចទៅហើយ។ សាកសួរតើគេមានទំនុកចិត្តលើខ្លួនឯងបែបណា ពេលចូលលេងម្ដងៗ? Mbappe បានឆ្លើយថា ទំនុកចិត្តលើខ្លួនគឺជារឿងសំខាន់ គ្មាននរណាជួយយើងទេពេលដែលជួបរឿងលំបាក។ អ្នកត្រូវដែលចេះលួងខ្លួនឯង ថាអាចធ្វើអ្វីបានគ្រប់យ៉ាង។
“គ្រប់ពេលដែលខ្ញុំដើរចូលទីលាន ខ្ញុំតែងតែប្រាប់ខ្លួនឯងថា ខ្ញុំគឺជាកីឡាករល្អជាងគេ ល្អជាង Messi និង Ronaldo ទៅទៀត”។ នេះគឺជាសម្ដី Mbappe តែងលើកទឹកចិត្តខ្លួនឯង តែគេដឹងច្បាស់ថាវីរបុរសបាល់ទាត់ទាំងពីរនាក់នេះបានឈ្នះពានគ្រប់យ៉ាងទៅហើយ៕