/Football01/606016d754caf_1616910000_medium.jpg)
- 2021-03-28 05:44:34
- បាល់ទាត់
Update! អាជ្ញាកណ្ដាល ទៅសុំទោសក្រុមព័រទុយហ្គាល់ហើយ ក្រោយដឹងខ្លួនខុស
- 2021-03-28 05:44:34
- ចំនួនមតិ 0 | ចំនួនចែករំលែក 0
Update! អាជ្ញាកណ្ដាល ទៅសុំទោសក្រុមព័រទុយហ្គាល់ហើយ ក្រោយដឹងខ្លួនខុស
ចន្លោះមិនឃើញ
បើតាមការបញ្ជាក់របស់លោក Fernando Santos គ្រូបង្វឹកក្រុមជម្រើសជាតិព័រទុយហ្គាល់ បានបញ្ជាក់ថាអាជ្ញាកណ្ដាលដែលមិនឱ្យបាល់ Ronaldo ចូលនោះ បានដើរមកសុំទោសចំពោះកំហុសឆ្គងរបស់ខ្លួន ក្រោយពីចប់ការប្រកួត លោកទៅមើលវីដេអូឡើងវិញម្ដងទៀត។
Ronaldo ទាត់បញ្ចូលទីនៅចុងម៉ោង ដែលសឹងតែជួយក្រុមព័រទុយហ្គាល់ឈ្នះលើក្រុមសែបទៅហើយ ប៉ុន្តែចុងក្រោយ អាជ្ញាកណ្ដាល បែរជាយល់ថាបាល់នោះនៅមិនទាន់ចូលទីទេ ខាងក្រុមសែបបានរត់មកឈូសបាល់ចេញបានមុន។ ការកាត់ក្ដីបែបនេះហើយ ទើបធ្វើឱ្យ Ronaldo ខឹងខ្លាំង រហូតដល់ដោះស្លាកប្រធានក្រុមចេញ និងដើរចេញពីការប្រកួតមុននឹងចប់ប្រកួតផង។
យ៉ាងណាមិញ រឿងនេះត្រូវបានលោក Santos គ្រូបង្វឹកព័រទុយហ្គាល់បាននិយាយថាក្រោយពីចប់ការប្រកួតទៅ លោក Danny Makkelie ដែលជាអាជ្ញាកណ្ដាលកាត់ក្ដីប្រកួតនេះ បានដើរមកជួបលោកដើម្បីនិយាយគ្នា។ លោក Danny បាននិយាយសុំទោសចំពោះកំហុសរបស់ខ្លួន ក្រោយពីលោកបានពិនិត្យមើលវីដេអូម្ដងទៀត។ យ៉ាងណាក៏ដោយ ការសុំទោសនោះ ក៏មិនអាចកែប្រែលទ្ធផលបានឡើយ ពោលគឺក្រុមព័រទុយហ្គាល់នៅតែស្មើជាមួយសែប ២-២ ដដែល។
មួយទៀត Goal Line ឬ VAR ខាង FIFA មិនបានដាក់ឱ្យប្រើប្រាស់នៅវគ្គជម្រុះនេះឡើយ។ ដូច្នេះហើយ ទើបយប់មិញនេះ មិនមានការពិនិត្យចំពោះ Goal Line នេះឡើយ៕
