- 2021-03-25 02:07:32
- បាល់ទាត់
De Bruyne ឆ្លើយបែបណា ពេលគេសួរសង្ឃឹមអត់អាចឈ្នះពាន៥នៅឆ្នាំនេះ?
- 2021-03-25 02:07:32
- ចំនួនមតិ 0 | ចំនួនចែករំលែក 0
De Bruyne ឆ្លើយបែបណា ពេលគេសួរសង្ឃឹមអត់អាចឈ្នះពាន៥នៅឆ្នាំនេះ?
ចន្លោះមិនឃើញ
ខ្សែបម្រើប្រយុទ្ធ Kevin de Bruyne អាចនឹងឈ្នះពានដល់ទៅ៥ជាមួយក្លឹបនិងជម្រើសជាតិ ពេលដែលបញ្ចប់ឆ្នាំនេះ ប្រសិនបើមហិច្ឆតារបស់គេត្រូវបានបំពេញ។
City កាន់តែខិតជិតក្លាយជាម្ចាស់ពាន Premier League ខណៈពាន League Cup នឹងលេងវគ្គផ្ដាច់ព្រ័ត្រជាមួយ Spurs។ ក្នុងនោះដែរពួកគេក៏បានឈានដល់វគ្គ៤ក្រុមចុងក្រោយ FA Cup ស្របពេលពាន Champions League ត្រូវលេងវគ្គ៨ក្រុមចុងក្រោយជាមួយ Dortmund។
នៅពាក់កណ្ដាលឆ្នាំនេះ De Bruyne ក៏មានភារកិច្ចលេងឲ្យជម្រើសជាតិប៊ែលហ្សុិកពាន Euro 2020 ផងដែរ។ សាកសួរតើគេរំពឹងទេថានឹងអាចឈ្នះពាន៥នៅឆ្នាំនេះទេ? កីឡាករវ័យ២៩ឆ្នាំបានឆ្លើយថា ក្នុងនាមជាកីឡាករ ពេលដែលចាប់ផ្ដើមរដូវកាលតែងតែចង់ឈ្នះពាន។ វាជារឿងចំណេញមួយដែលក្រុមនិងជម្រើសជាតិរបស់គេនៅមានឱកាសប្រជែងពាន។
មិនមានកីឡាករច្រើនទេដែលមានឱកាសយកពានច្រើនបែបនេះ។ គេមានគំនិតវិជ្ជមានសម្រាប់ការឈ្នះពាន ហើយពេលចប់រដូវកាលគ្រប់គ្នានឹងឃើញថាគេយកបានពានប៉ុន្មាន៕