ប្រកួតបន្ទាប់របស់ Rodtang ទទួលបានតម្លៃខ្លួនអាចទិញបាន Lexus NX200t មួយគ្រឿង

2021-03-04 09:27:23
ប្រដាល់

2021-03-04 09:27:23
ចំនួនមតិ 0 | ចំនួនចែករំលែក 0

ចន្លោះមិនឃើញ

អ្នកប្រដាល់ជើងខ្លាំងរបស់ថៃ Rodtang នឹងមានភារកិច្ចប្រកួតបន្តទៀតនៅសង្វៀន ONE Championship ថ្ងៃទី ៧ ខែ មេសាខាងមុខទល់នឹងកីឡាករអង់គ្លេស Jacob Smith។

Rodtang ទើបតែទទួលបានជ័យជម្នះលើកីឡាកររុស្សី Tagir Khalilov ក្នុងការប្រកួតបែប Kickboxing ជាលើកដំបូងនៅសង្វៀន ONE ដែលរៀបចំនៅប្រទេសសិង្ហបុរី។ ប៉ុន្តែថ្មីៗនេះស្ថាប័ន ONE ទើបតែចេញសេចក្ដីប្រកាស Rodtang ត្រូវបង្ហាញមុខជាថ្មីក្នុងកម្មវិធី ONE on TNT1 ដែលធ្វើនៅប្រទេសសិង្ហបុរីថ្ងៃទី ៧ ខែ មេសា ឆ្នាំ ២០២១។

ក្នុងជំនួបជាមួយរវាងកីឡាកររហស្សនាម "The Iron Man” ទល់នឹង Jacob Smith ប្រកួតបែបមួយថៃមិនដណ្ដើមខ្សែក្រវាត់ទេ។ សម្រាប់ប្រកួតនេះ Rodtang បានទម្លាយថា គេទទួលបានតម្លៃខ្លួន១,៥លានបាត (៥ម៉ឺនដុល្លារ)។ សម្រាប់ទំហំទឹកប្រាក់នេះគឺអាចទិញបានរថយន្ត Lexus NX220t មួយទឹកប្រភេទធម្មតាស៊េរីឆ្នាំ២០១៥បាន(សម្រាប់នៅស្រុកខ្មែរ)។

Jacob Smith

Rodtang បច្ចុប្បន្នជាម្ចាស់ខ្សែក្រវាត់ ONE Muay Thai ប្រភេទទម្ងន់ Flyweight ដែលជាហេតុធ្វើឲ្យគេមានតម្លៃខ្លួនខ្ពស់។ មហិច្ឆតាបន្ទាប់ អ្នកប្រដាល់មកពីខេត្ត Phatthalung ចង់ក្លាយជាម្ចាស់ខ្សែក្រវាត់ ONE Kickboxing៕