- 2021-02-16 09:27:16
- កីឡាផ្សេងៗ
ទិដ្ឋភាពអស្ចារ្យតាមឆ្នេរ ទាញចិត្តអ្នករៀបចំគ្រោងប្រណាំងកង់ពិភពលោកនៅកំពង់សោម
- 2021-02-16 09:27:16
- ចំនួនមតិ 0 | ចំនួនចែករំលែក 0
ទិដ្ឋភាពអស្ចារ្យតាមឆ្នេរ ទាញចិត្តអ្នករៀបចំគ្រោងប្រណាំងកង់ពិភពលោកនៅកំពង់សោម
ចន្លោះមិនឃើញ
ឯកឧត្ដម ថោង ខុន រដ្ឋមន្ត្រីក្រសួងទេសចរណ៍ និងជាប្រធានគណៈកម្មាធិការជាតិអូឡាំពិកកម្ពុចា ថាខេត្តព្រះសីហនុ នឹងត្រូវរៀបចំការប្រកួតប្រណាំងកង់ពិភពលោក នៅដើមឆ្នាំ២០២២ ខាងមុខនេះ។
ឯកឧត្ដម វ៉ាត់ ចំរើន អគ្គលេខាធិការ នៃគណៈកម្មាធិការជាតិអូឡាំពិកកម្ពុជា បានឲ្យដឹងថា ការប្រណាំងកង់ នៃក្ដីស្រឡាញ់ ១៤ កុម្ភៈ នេះគឺបានបញ្ចប់ទៅដោយរលូន និងមានអ្នកចូលរួមគ្រប់ទិសទី។ ទិដ្ឋភាពស្រស់បំព្រង ហេដ្ឋារចនាសម្ព័ន្ធថ្មីៗល្អស្អាតដែលលេចត្រដែតទាំងនេះគឺពិតជាបានផ្សព្វផ្សាយពេញផ្ទៃប្រទេស និងលើឆាកអន្តរជាតិ។
អ្នកជំនាញផ្នែកកីឡាខាងលើបន្តលើកឡើងថា តាមរយៈនៃការរៀបចំបានល្អ ទទួលបានជោគជ័យ និងទិដ្ឋភាពស្អាតៗតាមឆ្នេរទាំងនេះបានធ្វើឲ្យឯកឧត្ដម ថោង ខុន គ្រោងរៀបចំព្រឹត្តិការណ៍ធំៗជាច្រើនទៀត ដូចជាប្រណាំងកង់ពិភពលោក លើកទី២ ដើមឆ្នាំ ២០២២។ ការប្រណាំងនេះគឺចាប់ផ្ដើមជិះពីខេត្តព្រះសីហនុតែម្ដង។
រំលឹកដែរថា សហព័ន្ធទោចក្រយាន គណៈកម្មាធិការជាតិអូឡាំពិកកម្ពុជា (NOCC) និង Cambodia Organizer បានរៀបចំការប្រណាំងកង់នៃក្ដីស្រឡាញ់ ១៤កុម្ភៈ ២០២១ នេះនៅខេត្តព្រះសីហនុ ទើបបញ្ចប់ថ្មីៗនេះ។ អ្នកចូលរួមមានទាំងអ្នកជំនាញ និងអ្នកជិះកម្សាន្តមានប្រហែលជិត ៤០០នាក់ ក្នុងព្រឹត្តិការណ៍មួយនេះ៕