- 2021-02-11 07:42:57
- បាល់ទាត់
Barca អាចនឹងឈប់ដាក់ Coutinho ឲ្យលេង ដើម្បីគេចពីការបង់ប្រាក់ឲ្យ Liverpool
- 2021-02-11 07:42:57
- ចំនួនមតិ 0 | ចំនួនចែករំលែក 0
Barca អាចនឹងឈប់ដាក់ Coutinho ឲ្យលេង ដើម្បីគេចពីការបង់ប្រាក់ឲ្យ Liverpool
ចន្លោះមិនឃើញ
Barcelona អាចនឹងបង្ខំចិត្តដាក់ឲ្យ Philippe Coutinho អង្គុយទស្សនាការប្រកួតទាំងប៉ុន្មានដែលនៅសល់រដូវកាលនេះ ដើម្បីបន្ថយប្រាក់ចំណាយខ្លះរបស់ក្លឹប។
តាមរយៈរូបភាពកាលពីសប្ដាហ៍មុន Coutinho បានត្រឡប់មកហ្វឹកហាត់កាយសម្បទានៅក្លឹប បន្ទាប់ពីមានបញ្ហារបួស។ ការរំពឹង គេអាចនឹងត្រឡប់មកកាន់ទីលានវិញនៅខែ មីនា។ យ៉ាងណា គេប្រហែលមិនបានលេងដូចគ្នា ប្រសិនបើ Barcelona សម្រេចដាក់ឲ្យអង្គុយកៅអីបម្រុង។
ក្នុងកិច្ចសម្ភាសន៍លើទូរទស្សន៍ អ្នកកាសែតអេស្ប៉ាញម្នាក់ឈ្មោះថា Javi Miguel បានពន្យល់ថា Barca អាចនឹងជៀសមិនប្រើប្រាស់ Coutinho សម្រាប់ការប្រកួតដែលនៅសល់។ មូលហេតុ ព្រោះពួកគេចង់គេចពីការបង់ប្រាក់ទៅឲ្យ Liverpool ចំពោះកុងត្រាដែលបានសន្យាគ្នា។
នេះមានន័យថា ប្រសិនបើ Coutinho លេងបាន៧ប្រកួតទៀត Barca ត្រូវបង់ប្រាក់៥លានអឺរ៉ូទៅឲ្យ Liverpool សម្រាប់លក្ខខណ្ឌបង្ហាញខ្លួនប្រកួតរបស់កីឡាករ។ ក្លឹបមានមូលដ្ឋានក្នុងតំបន់កាតាឡាន់ពេលនេះកំពុងជួបបញ្ហាហិរញ្ញវត្ថុ ដោយជំពាក់ដល់ទៅ១១២លានផោន ជាមួយ១៩ក្លឹបផ្សេងគ្នាសម្រាប់ការផ្ទេរកីឡាករ៕
