- 2021-01-22 07:56:32
- ប្រដាល់
ឃួន ឡាំងកូស៊ីន និង រិន ដេវីត នរណាជាម្ចាស់ប្រាក់ ៣០លានរៀលនៅ PNN
- 2021-01-22 07:56:32
- ចំនួនមតិ 0 | ចំនួនចែករំលែក 0
ឃួន ឡាំងកូស៊ីន និង រិន ដេវីត នរណាជាម្ចាស់ប្រាក់ ៣០លានរៀលនៅ PNN
ចន្លោះមិនឃើញ
ថ្ងៃអាទិត្យ ទី២៤ ខែមករា ឆ្នាំ២០២១ នេះឈានដល់ការប្រកួតផ្ដាច់ព្រ័ត្រខ្សែក្រវាត់ ISI ទម្ងន់ ៥៤គីឡូក្រាមរបស់សង្វៀន PNN រវាង ឃួន ឡាំងកូស៊ីន និង រិន ដេវីត ដែលមានប្រាក់រង្វាន់រហូតដល់ ៣០លានរៀល។
ទាំង រិន ដេវីត និង ឃួន ឡាំងកូស៊ីន សុទ្ធតែសម្រាកក៏ដូចជាថែខ្លួនហ្វឹកហាត់បានរយៈពេលច្រើនសប្ដាហ៍ដើម្បីប្រកួតវគ្គផ្ដាច់ព្រ័ត្រថ្ងៃអាទិត្យនេះ។ ដូចទៅហ្នឹងការសម្ភាសរបស់អ្នកសារព័ត៌មានអីចឹង មិនថា រិន ដេវីត ឬ ឃួន ឡាំងកូស៊ីន ម្នាក់ៗមានជំនឿចិត្តខ្ពស់រៀងខ្លួនសម្រាប់វគ្គផ្ដាច់ព្រ័ត្រមួយនេះ។
បើនិយាយពីអាវុធ និងផ្លែស្នៀតវិញគឺល្អម្យ៉ាងម្នាក់មិនលើសមិនខ្វះគ្នាឡើយ បើទោះជាធ្លាប់ប៉ះគ្នារួចក៏ដោយ ពិន្ទុគឺប្រហាក់ប្រហែលគ្នា ឬអាចថាស្មើផង។ យ៉ាងណាឈានដល់វគ្គសំខាន់បែបនេះហើយ មិនមាននរណាមានប្រៀបជាងនរណាឡើយ ព្រោះម្នាក់ៗប្រឹងហាត់ស្នៀតសម្រាប់ត្រៀមយកឈ្នះដូចគ្នា។ ប្រសិនបើនរណាហ៊ានតែប្រហែសបន្តិចអាចនឹងចាញ់ភ្លាម ឬចាញ់ដោយសន្លប់ក៏ថាបាន។
រង់ចាំទស្សនាទាំងអស់គ្នាថារវាង រិន ដេវីត និង ឃួន ឡាំងកូស៊ីន នរណាឈ្នះខ្សែក្រវាត់ទម្ងន់ ៥៤គីឡូក្រាម អមដោយប្រាក់រង្វាន់ ៣០លានរៀលនេះ។ ការប្រកួតនេះនឹងធ្វើឡើងនៅថ្ងៃអាទិត្យ ទី២៤ ខែមករា ឆ្នាំ២០២១ នៅសង្វៀន PNN ចាប់ពីម៉ោង ១២ថ្ងៃត្រង់៕