គ្រាន់តែគិតក៏ជក់ចិត្តដែរ! បើមានអ្នកបង្កើតការប្រកួត៤ស្មើ ឲ្យមាន៦ក្រុមនេះប៉ះគ្នា

2021-01-21 02:34:45
បាល់ទះ

2021-01-21 02:34:45
ចំនួនមតិ 0 | ចំនួនចែករំលែក 0

ចន្លោះមិនឃើញ

កាលពីពេលថ្មីៗនេះមាន Fan បាល់ទះជាច្រើនចង់ឲ្យក្រុមរបស់ គួន ម៉ុម, វឿន វាសនា, សួន ចាន់ណារ៉ូ និង ផុល រតនៈ ប៉ះក្រុមរបស់ សុវណ្ណរាជ, ចិត្រ, វ៉ា និង យុន ក្រោយក្រុមរបស់វិសាខាធ្វើព្យុះភ្លៀងលត់ក្រុម ធារិទ្ធ សុវណ្ណនាថ គ្រូណាប់ និងរ៉ាត ព្រមទាំងដកសុវណ្ណនាថ ដាក់ម៉េងហ៊ួង ក៏នៅតែឈ្នះ។

យ៉ាងណាការប្រកួតនេះត្រូវបានគេដឹងថា ទំនងជាពិបាកក្នុងការជួបគ្នាជាលក្ខណៈមិត្តភាពក្រៅផ្លូវការ ពីព្រោះក្រុមរបស់ គួន ម៉ុម ហាក់មិនហ៊ានលេង ក្រោយប្រធានក្រុម សួន ចាន់ណារ៉ូ ចេញខ្លួនមកប្រកាសថា គូនេះធំពេក។ ប៉ុន្តែបើសិនជាមានស្ថាប័នណាអាចរៀបចំជាពានមួយ ដោយជ្រើសរើសមួយក្រុម ៤ នាក់លេងលក្ខណៈប្រកួតសិតពិន្ទុ ១៥ ដូចការប្រកួតធម្មតាដែលឃើញលេងទូទៅនៅតាមតារាងនានាវិញ ហើយឲ្យមាន ៦ ក្រុមនេះខាងក្រោមនេះប្រកួតជម្រុះចាញ់ធ្លាក់មិនដឹងថា ល្អមើលប៉ុណ្ណាឡើយ។

៦ក្រុមខាងក្រោមនេះជាគំនិតរបស់ Sabay ៖

១-ខាងវិសាខាមាន គួន ម៉ុម សួន ចាន់ណារ៉ូ វឿន វានសា និង ផុល រតនៈ
២-ខាងមហាផ្ទៃមាន ម៉េងហ៊ួង , ឃុន វាសនា ( យក្ស) ស្នាលេខ ៥ និង ណារិទ្ធ ប៉ះសេ
៣-ខាងស្នងការមាន ធារិទ្ធ, ចាវ (កំពង់ចាម), សម្បត្តិ និង រ៉ាត
៤-ខាងអង្គរក្ស សុវណ្ណរាជ ចិត្រ ស្មីធំ និង យុន
៥-ខាង សុវណ្ណនាថ ម៉ាប់ឆ្វេង វ៉ា និង ខ្មៅ ប៉ះសេ
៦-ខាងកងពល ឌូក, ក្ដូ, កុសល ទង់ ប៉ះសេ (ដក សំ សាម៉ីត ចេញ )

សូមបញ្ជាក់ថា សម្រាប់ Fan គឺចង់ឲ្យមានការប្រកួតធំៗបែបនេះ ពីព្រោះការប្រកួតពិតជាជក់ចិត្ត ប៉ុន្តែយ៉ាងណាគឺមិនទាន់កើតឡើងឡើយ។ នេះគ្រាន់តែជាគំនិតរបស់ Sabay បើសិនជាមានការរៀបចំឲ្យមានគូនេះផុសឡើងមែន ដឹងតែផ្ទុះការគាំទ្រជាក់ជាមិនខាន ពិសេស Fan បាល់ទះតែម្ដង៕

អត្ថបទ៖ ស្រី សុវណ្ណដារ៉ា