- 2021-01-08 02:49:19
- ប្រដាល់
ប៉ះគ្នាលើកទី១ មេឃា ចូលដៃរបស់ ឃឹម បូរ៉ា ចង់សន្លប់ចុះវគ្គផ្ដាច់ព្រ័ត្រស្អែកនេះវិញ?
- 2021-01-08 02:49:19
- ចំនួនមតិ 0 | ចំនួនចែករំលែក 0
ប៉ះគ្នាលើកទី១ មេឃា ចូលដៃរបស់ ឃឹម បូរ៉ា ចង់សន្លប់ចុះវគ្គផ្ដាច់ព្រ័ត្រស្អែកនេះវិញ?
ចន្លោះមិនឃើញ
ជើងខ្លាំង ឃឹម បូរ៉ា ប៉ះគ្នាលើកទី១ ជាមួយ ម៉ឺន មេឃា អំឡុងខែមេសា ឆ្នាំ២០២០ ធ្លាប់ឈ្នះ១ដង ខណៈការប្រកួតមួយនោះកូនប្រុសលោក អេ ភូថង ចូលដៃស្ទើរសន្លប់។
ស្អែកនេះការប្រកួតឈានដល់វគ្គផ្ដាច់ព្រ័ត្រខ្សែក្រវាត់គោជល់ហើយរវាង ឃឹម បូរ៉ា ប៉ះ ម៉ឺន មេឃា ដើម្បីរកជើងខ្លាំង និងជាម្ចាស់ទឹកប្រាក់៥០០០ដុល្លារ។ អ្នកទាំងពីរនាក់នេះធ្លាប់ប៉ះគ្នា១ដងហើយ ដោយកាលនោះគឺ ប៉ូរា ឈ្នះពិន្ទុនៅសង្វៀនបាយ័ន។
នៅដើមទឹកទី៣ បូរ៉ា ប្ដូរកណ្ដាប់ដៃជាមួយ ម៉ឺន មេឃា មួយប្រាវហើយពេលនោះ គឺកូនប្រុសលោក អេ ភូថង ស្រុតលត់ជង្គង់មួយក្លេតយ៉ាងណាដោយងើបមកវិញលឿនជាហេតុអាជ្ញាកណ្ដាលមិនបានចាប់រាប់នោះឡើយ។
គេមើលឃើញថា បូរ៉ា មានស្នៀតចេញរហ័ស និងធ្ងន់ សូម្បីតែលោក អេ ភូថង ផ្ទាល់ក៏សរសើរពីចំណុចល្អមួយនេះដែរ។ ប៉ុន្តែលោក អេ ភូថង ក៏បានបញ្ជាក់ដែរថា បូរ៉ា និង ម៉ឺន មេឃា កូនប្រុសរបស់លោកគឺល្អម្យ៉ាងម្នាក់។ មេឃា នៅក្មេងជាង និងវ៉ៃឆ្លាត់ ចំណែក បូរ៉ា ចាស់វស្សា។
រំលឹកដែរថា ការប្រកួតវគ្គផ្ដាច់ព្រ័ត្រខ្សែក្រវាត់គោជល់ទម្ងន់ ៦០គីឡូក្រាម ជើងឯកប៉ះគ្នារបស់សង្វៀន CNC ស្អែកនេះនឹងចាប់ផ្ដើមប្រកួតពីម៉ោង៦ល្ងាចតទៅ។ អ្នកឈ្នះបានខ្សែក្រវាត់ ១គ្រឿង និងទឹកប្រាក់៥០០០ដុល្លារ៕
វីដេអូប្រកួតលើកទី១ បូរ៉ា ប៉ះ មេឃា
