- 2021-01-04 08:18:21
- បាល់ទាត់
១០សំនួរទៅកាន់ Son ទម្លាយពី Idol ក្នុងចិត្តនិងក្លឹបដែលគេគាំទ្រតាំងពីតូច
- 2021-01-04 08:18:21
- ចំនួនមតិ 0 | ចំនួនចែករំលែក 0
១០សំនួរទៅកាន់ Son ទម្លាយពី Idol ក្នុងចិត្តនិងក្លឹបដែលគេគាំទ្រតាំងពីតូច
ចន្លោះមិនឃើញ
ខ្សែប្រយុទ្ធ Son Heung-Min កំពុងតែឡើងសមត្ថភាពខ្លាំងមែនទែនសម្រាប់រដូវកាលថ្មីនេះ។ បច្ចុប្បន្នគេកំពុងឈរជាអ្នកទាត់បញ្ចូលទីច្រើនជាងគេលំដាប់ទីពីរនៅក្របខណ្ឌ Premier League មាន១២គ្រាប់ ចាញ់អ្នកលេខមួយ Mohamed Salah តែ១គ្រាប់គត់។
នាពេលកន្លងទៅ Son ធ្លាប់បានឆ្លើយសំនួរចំនួន១០ជាមួយកម្មវិធីមួយរបស់ពានរង្វាន់ Champions League។ ក្នុងចំណោមសំនួរទាំងនោះគេបានសាកសួរចំណង់ចំណូលចិត្តរបស់ Son ក៏ដូចជាកីឡាករនិងក្លឹបដែលគេគាំទ្រតាំងពីតូច។
ខាងក្រោមជាសំនួរទាំង១០
១. ប្រាប់ឈ្មោះកីឡាករល្អបំផុតដែលខ្លួនធ្លាប់លេងជាមួយ?
ចម្លើយ៖ Ruud van Nisterlrooy និង Ze Roberto នៅក្លឹប Hamburger។
២. តើកីឡាករស្ថិតក្នុងដួងចិត្តរបស់អ្នកជានរណា?
ចម្លើយ៖ គាត់គឺ Cristiano Ronaldo។ ខ្ញុំចូលចិត្តស្ទីលលេងរបស់គាត់។
៣. ប្រាប់ពីពេលវេលាអស្ចារ្យបំផុតរបស់អ្នកក្នុងបាល់ទាត់កន្លងមក?
ចម្លើយ៖ ពេលដែលខ្ញុំអាយុ១៨ឆ្នាំ ប្រកួតដំបូងរបស់ខ្ញុំនៅ Bundesliga ទល់ជាមួយ FC Koln។ ពេលនោះខ្ញុំបានទាត់ចូល។
៤. តើចូលចិត្តចម្រៀងអ្វី?
ចម្លើយ៖ ខ្ញុំចូលចិត្តចម្រៀងកូរ៉េ ជាពិសេស Hip Hop។
៥. តើក្រុមណាដែលអ្នកគាំទ្រកាលពីនៅតូច?
ចម្លើយ៖ ខ្ញុំគាំទ្រ Manchester United ដោយសារ Park Ji-Sung និង Ronaldo លេងនៅទីនោះ។
៦. តើធ្វើយ៉ាងម៉េចទើបក្លាយតារាបាល់ទាត់ដូចអ្នក?
ចម្លើយ៖ ដំបូន្មានតែមួយគត់របស់ខ្ញុំគឺ អ្នកមិនគួរបញ្ឈប់ការរីករាយជាមួយបាល់ទាត់ឡើយ។ ប្រសិនបើអ្នកបញ្ឈប់វា ជំហានបន្ទាប់គឺឈប់លេងបាល់តែម្ដង។
៧. តើអ្នកចូលចិត្តអាហារអ្វី?
ចម្លើយ៖ ខ្ញុំចូលចិត្តបាយនិងអាហារកូរ៉េ។
៨. តើនរណាជាកីឡាករល្អបំផុតក្នុងលោក?
ចម្លើយ៖ គឺ Cristiano Ronaldo។ គេអាចទាត់បញ្ចូលលើក្រុមជាច្រើន ដោយប្រើក្បាល ទាត់ Free-Kick និងផ្សេងៗទៀត។
៩. តើគិតថាកីឡាកររូបណាពិបាកជាងគេ ពេលលេងទល់មុខគ្នា?
ចម្លើយ៖ មានច្រើន ប៉ុន្តែបើឲ្យខ្ញុំជ្រើសរើសគឺ Jerome Boateng ឬ Philipp Lahm។
១០. តើមានអារម្មណ៍បែបណាពេលលេងឲ្យជម្រើសជាតិកូរ៉េខាងត្បូង?
ចម្លើយ៖ វាតែងតែជាពេលវេលាព្រឺសម្បុរសម្រាប់ខ្ញុំ ពេលដែលខ្ញុំលេង។ ខ្ញុំតែងតែផ្ដល់១០០%សម្រាប់ប្រទេសរបស់ខ្ញុំ៕