- 2021-01-04 06:14:12
- បាល់ទាត់
មកស្គាល់ប្រវត្តិ មហាសេដ្ឋិនី Madam Pang ម្ចាស់ក្លឹប Port FC របស់ថៃ ទ្រព្យរួម៩៨ពាន់លានដុល្លារ
- 2021-01-04 06:14:12
- ចំនួនមតិ 0 | ចំនួនចែករំលែក 0
មកស្គាល់ប្រវត្តិ មហាសេដ្ឋិនី Madam Pang ម្ចាស់ក្លឹប Port FC របស់ថៃ ទ្រព្យរួម៩៨ពាន់លានដុល្លារ
ចន្លោះមិនឃើញ
អ្នកស្រី Nualphan Lamsam ឬគ្រប់គ្នាស្គាល់ថាជាមហាសេដ្ឋិនី Madam Pang គឺជាអ្នកស្រលាញ់វិស័យបាល់ទាត់ម្នាក់ ម្ចាស់ក្លឹប Port FC របស់លីគកំពូលថៃ។
ស្ថិតក្នុងវ័យ៥៤ឆ្នាំ Madam Pang កំពុងកាន់ក្រុមហ៊ុនជាច្រើន ជាមួយទ្រព្យសម្បត្ដិគ្រួសារអ្នកស្រីកើនដល់៩៨ពាន់លានដុល្លារទៅហើយ។ អ្នកស្រីគឺជាមហាសេដ្ឋីចំណាត់ថ្នាក់លេខ៣១ក្នុងប្រទេសថៃផងដែរ ដែលបានចំណាយពេលច្រើនជាមួយការងារក្នុងវិស័យបាល់ទាត់ បើទោះជាកាន់កាប់ក្រុមហ៊ុនជាច្រើនក៏ដោយ។
ម្ចាស់ក្រុមហ៊ុនធនាគារ Kasikorn Bank ឬហៅខ្លីថា Kbank ខាងលើនេះ បានសិក្សាផ្នែកទីផ្សារនៅសាកលវិទ្យាល័យ Chulalongkorn University មុនពេលបន្ដរៀននៅក្រៅប្រទេស Boston University ។ កូនកាត់ចិនខាងលើនេះគឺស្ថិតក្នុងជំនាន់ទី៥ នៃគ្រួសារកំពូលអ្នករកស៊ី Lamsam ដែលគ្រួសារនេះ ត្រូវបានគ្រប់គ្នាហៅថា គ្រួសារ តំណាងភាពមានបានតែម្ដង។ ការដាក់នេះ ក៏ព្រោះថាសមាជិកទាំងអស់សុទ្ធតែកាន់ក្រុមហ៊ុនជាច្រើនក្នុងប្រទេសថៃ និងក្រៅប្រទេស ជាមួយទ្រព្យសម្បត្តិរួមរាប់ពាន់លានដុល្លារ។
នារីជំនាញខាងរកស៊ីខាងលើនេះ បានបញ្ជាក់ថាចូលចិត្តកីឡាបាល់ទាត់តាំងពីតូចមក។ ដូច្នេះហើយនៅឆ្នាំ២០១៥ សេដ្ឋិនីរូបនេះក៏បានទិញយកក្លឹប Port FC តែម្ដង និងជះលុយរាប់លានដុល្លារដើម្បីធ្វើឱ្យក្លឹបមួយនេះខ្លាំងឡើងក្នុងលីគថៃ។ ដោយបច្ចុប្បន្ន Madam Pang ក៏ត្រូវបានគេគោរព ស្រលាញ់ខ្លាំងពីសំណាក់អ្នកគាំទ្របាល់ទាត់ថៃផងដែរ៕