- 2020-12-29 07:08:29
- ប្រដាល់
ចាន់ សំអាត៖ អ្នកប្រដាល់គួរណាស់ចេះជួយគ្នា ព្រោះម្ដងគេម្ដងយើង...
- 2020-12-29 07:08:29
- ចំនួនមតិ 0 | ចំនួនចែករំលែក 0
ចាន់ សំអាត៖ អ្នកប្រដាល់គួរណាស់ចេះជួយគ្នា ព្រោះម្ដងគេម្ដងយើង...
ចន្លោះមិនឃើញ
អ្នកលេងក្បាច់គុនមកពីភ្នំដងរែក ចាន់ សំអាត ថាអ្នកប្រដាល់គ្រប់រូបគួរចេះជួយគ្នាទៅវិញទៅមក ជាពិសេសពេលមានទុក្ខលំបាកអ្វីមួយ ហើយកីឡាមួយនេះមិនទៀងទេរតែងតែមានការបាក់បែកជាដើម។
កីឡាករ ចាន់ សំអាត បានឲ្យដឹងថា មូលហេតុដែលខ្លួនចុះពីសង្វៀនប្រកួតវិញហើយដកប្រាក់រង្វាន់ជួយ សុខ សុវណ្ណ ព្រោះឃើញថាអ្នកលេងគុនខ្មែររូបនេះមានទុក្ខលំបាកជាខ្លាំងហើយម្ដាយទើបតែស្លាប់ទៀតផង។ ថវិកា៥០ម៉ឺននេះ សំអាត សង្ឃឹមថាអាចជួយសម្រាលបន្ទុកខ្លះៗដល់ក្រុមគ្រួសាររបស់កីឡាករ សុខ សុវណ្ណ។
អ្នកប្រដាល់ភ្នំដងរែកខាងលើនេះបន្តលើកឡើងទៀតថា ខ្លួនពិតជាចង់ឲ្យសហព័ន្ធប្រដាល់គុនខ្មែរបង្កើតឲ្យមានជាមូលនិធិមួយ ដែលមានតែកីឡាករប៉ុណ្ណោះដើម្បីប្រមូល ឬអាចរកថវិកាច្បាស់លាស់ណាមួយងាយស្រួលជួយគ្នានៅពេលមានបញ្ហាផ្សេងៗ។ វិស័យប្រដាល់នេះគឺគេចមិនផុតពីមានបញ្ហារបួស ឬបាក់បែក សំអាត ក៏សូមអំពាវនាវដល់កីឡាករគ្រប់រូបឲ្យចេះស្រឡាញ់ និងជួយគ្នាទៅវិញទៅមក នៅលើសង្វៀនជាសត្រូវ ចុះមកវិញជាមិត្តរួមអាជីព។
រំលឹកដែរថា កីឡាករ ចាន់ សំអាត កាលពីថ្ងៃសៅរ៍ ទី២៦ ខែធ្នូ ឆ្នាំ២០២០ ថ្មីៗនេះបានជួយឧបត្ថម្ភទឹក៥០ម៉ឺនរៀលដែលខ្លួនឈ្នះក្នុងកម្មវិធីដណ្ដើមប្រាក់លាននៅ CNC ជួយដល់អ្នកលេងគុនខ្មែរ សុខ សុវណ្ណ បន្ទាប់ពីម្ដាយស្លាប់៕
