- 2020-12-28 07:24:08
- ប្រដាល់
ទីបំផុតរកឃើញជើងខ្លាំងទៅវគ្គផ្ដាច់ព្រ័ត្រហើយ រិន ដេវីត ប៉ះ ឃួន ឡាំងកូស៊ីន
- 2020-12-28 07:24:08
- ចំនួនមតិ 0 | ចំនួនចែករំលែក 0
ទីបំផុតរកឃើញជើងខ្លាំងទៅវគ្គផ្ដាច់ព្រ័ត្រហើយ រិន ដេវីត ប៉ះ ឃួន ឡាំងកូស៊ីន
ចន្លោះមិនឃើញ
បន្ទាប់ពីបញ្ចប់ការប្រកួតពាក់កណ្ដាលផ្ដាច់ព្រ័ត្រម្សិលមិញនេះនៅសង្វៀន PNN ឥលូវរកឃើញជើងខ្លាំងឡើងទៅវគ្គផ្ដាច់ព្រ័ត្រខ្សែក្រវាត់ ISI ហើយគឺ រិន ដេវីត ត្រូវទៅប៉ះ ឃួន ឡាំងកូស៊ីន ចុងខែមករា ២០២១ ។
លោក សាន់ សៅយ៉ាន់ គ្រូរបស់ ឃួន ឡាំងកូស៊ីន ធ្លាប់បានប្រាប់អ្នកសារព័ត៌មានថា តាមចិត្តរបស់លោកគឺចង់ឲ្យប៉ះ រិន ដេវីត វគ្គផ្ដាច់ព្រ័ត្រ ឥលូវនេះបានដូចក្ដីបំណងហើយ។ ដោយយល់ឃើញថា រិន ដេវីត ក៏ជាកីឡាករល្អមួយរូបដែរ ប៉ុន្តែក្បាច់ស្នៀតនៅស្ទើរជាង ខេម ចាន់។ ដូច្នេះបើប៉ះ ខេម ចាន់ អាចជាឧបសគ្គខ្លាំងដែរសម្រាប់ ឡាំងកូស៊ីន ហើយប្រសិនបើប៉ះ រិន ដេវីត វិញគឺប្រហាក់ប្រហែលគ្នា និងអាចថាមិនសូវជាតានតឹងពេក។
រំលឹកដែរថា មុនដល់វគ្គផ្ដាច់ព្រ័ត្រខ្សែក្រវាត់ ISI ទម្ងន់ ៥៤គីឡូក្រាមនេះគឺ ឃួន ឡាំងកូស៊ីន យកឈ្នះ ពេជ្រ ប៊ុនសិទ្ធ ខណៈ រិន ដេវីត យកឈ្នះ ខេម ចាន់។ ការប្រកួតផ្ដាច់ព្រ័ត្រនឹងធ្វើឡើងនៅថ្ងៃទី២៤ ខែមករា ឆ្នាំ២០២១ នៅសង្វៀន PNN ៕
