- 2020-12-28 02:04:32
- បាល់ទាត់
Messi គាស់កកាយរឿងក្នុងចិត្ត លើកនេះបង្ហើបគម្រោងទៅលេងនៅអាមេរិកទៀត
- 2020-12-28 02:04:32
- ចំនួនមតិ 0 | ចំនួនចែករំលែក 0
Messi គាស់កកាយរឿងក្នុងចិត្ត លើកនេះបង្ហើបគម្រោងទៅលេងនៅអាមេរិកទៀត
ចន្លោះមិនឃើញ
កាលពីពេលថ្មីៗនេះ កីឡាករ Lionel Messi បានចេញមុខមកនិយាយរៀបរាប់រឿងក្នុងចិត្តជាច្រើនដែលក្នុងនោះទាក់ទងទៅនឹងអនាគត និងការចាកចេញរបស់ Luis Saurez ផងដែរ។
Messi បានហៅការចាកចេញរបស់ Suarez ថាជារឿងឆ្កួតបំផុតដែលក្លឹប Barcelona បានធ្វើដាក់កីឡាកររបស់ខ្លួន។ ការបណ្ដោយឱ្យខ្សែប្រយុទ្ធជួយក្លឹបឈ្នះពានជាច្រើនចាកចេញដោយរបៀបនេះ គឺមិនសក្ដិសមនោះទេ។ Suarez មិនគួរទទួលបានការចាកចេញបែបនេះឡើយ ព្រោះរូបគេបានជួយដល់ក្លឹបច្រើនណាស់។
សម្រាប់ថ្ងៃអនាគតវិញ ប្រធានក្រុមខាងលើនេះបានបញ្ជាក់ច្បាស់ថានឹងមិនចេញពីក្រុមអ្នកមានបុណ្យនៅខែមករាឆ្នាំ២០២១ខាងមុខនេះទេ។ ដោយរូបគេនឹងនិយាយពីរឿងចេញឬមិនចេញនេះ នៅចប់រដូវកាលនេះ ពោលគឺអស់កុងត្រាសិនទើបនិយាយ។ ខណៈដែលសាមីខ្លួន ក៏មានបំណងចង់ទៅលេងនៅលីគអាមេរិកដែរ ប៉ុន្តែពេលវេលានោះនៅមិនទាន់មកដល់នោះទេ។ ដោយអាចនឹងប៉ុន្មានឆ្នាំខាងមុខទៀតឯណោះ។
ចំពោះរឿងរដូវក្ដៅកន្លងទៅ ដែលរូបគេផ្ញើរលិខិតសុំចាកចេញពីក្រុម Barcelona ពេលនេះ Messi ក៏លើកមកនិយាយដែរ។ កីឡាករវ័យ៣៣ឆ្នាំខាងលើបានបញ្ជាក់ថារូបគេមិនស្ដាយក្រោយឡើយចំពោះការផ្ញើលិខិតចាកចេញនោះ។ ដោយថែមទាំងអះអាងទៀតថានៅរដូវក្ដៅខាងមុខ ប្រសិនបើរូបគេចង់ចាកចេញ និងផ្ញើលិខិតស្នើសុំដើម្បីចេញម្ដងទៀត៕