- 2020-12-21 04:49:12
- ប្រដាល់
ឡាំងកូស៊ីន៖ គេថាយើងអន់ខ្ញុំមិនខឹងទេ ប៉ុន្តែខ្ញុំប្រឹងកុំឲ្យដូចពាក្យគេនិយាយ
- 2020-12-21 04:49:12
- ចំនួនមតិ 0 | ចំនួនចែករំលែក 0
ឡាំងកូស៊ីន៖ គេថាយើងអន់ខ្ញុំមិនខឹងទេ ប៉ុន្តែខ្ញុំប្រឹងកុំឲ្យដូចពាក្យគេនិយាយ
ចន្លោះមិនឃើញ
អ្នកលេងគុនខ្មែរមកពីបន្ទាយមានជ័យ ឃួន ឡាំងកូស៊ីន ការឈ្នះម្សិលមិញនេះជាការខំប្រឹងហ្វឹកហាត់ជាប្រចាំ និងជាពិសេសប្រឹងកុំឲ្យដូចអ្វីដែលគេតែងនិយាយថា «ប៉ះ ឡាំងកូស៊ីន ងាយឈ្នះ ឬសមត្ថភាពខ្សោយជាងគេ»។
ឃួន ឡាំងកូស៊ីន បានឲ្យដឹងថា សម្រាប់វគ្គពាក់កណ្ដាលផ្ដាច់ព្រ័ត្រម្សិលមិញនៅសង្វៀន អធិរាជគុនខ្មែរ ISI PALM-ISI PIPE ជាមួយ ពេជ្រ ប៊ុនសិទ្ធ នេះមិនសូវជាពិបាកយកឈ្នះប៉ុន្មានទេ ដោយសារតែបានហ្វឹកហាត់ដិតដល់ និងដឹងពីរបៀបដែលដៃគូវ៉ៃកន្លងហើយ។
កូនសិស្សលោក សាន សៅយ៉ាន់ រូបនេះបន្តលើកឡើងទៀតថា ធ្លាប់ដឹងស្នៀត ប៊ុនសិទ្ធ កណ្ដាប់ដៃល្អ និងទាត់ជើងក្រោម ដូច្នេះហើយគឺបានហាត់ត្រៀមទប់ទល់ក៏ដូចជាវ៉ៃបកវិញជាស្រេចទើបអាចឈ្នះបានបែបនេះ។ ហេតុផលមួយទៀតដែលធ្វើឲ្យសិស្សគុនមកពីបន្ទាយមានជ័យខាងលើនេះរឹតតែប្រឹងហាត់ទៀតនោះគឺ «គឺការមើលស្រាលសមត្ថភាពពីមហាជនមួយចំនួន រួមទាំងកីឡាករផ្ទាល់ថាប៉ះខ្លួនអាចងាយស្រួលឈ្នះជាដើម ឬជ្រាយជាងជាងគេ»។ ប៉ុន្តែ ឡាំងកូស៊ីន មិនមានចិត្តខឹងអ្វីនោះទេ ពោលគឺរឹតតែធ្វើឲ្យខ្លួនខំប្រឹងទៅវិញដើម្បីកុំឲ្យដូចពាក្យនិយាយទាំងនោះ។
រំលឹកដែរថា វគ្គពាក់កណ្ដាលផ្ដាច់ព្រ័ត្រខ្សែក្រវាត់ អធិរាជគុនខ្មែរ ISI PALM-ISI PIPE បានរកឃើញបេក្ខភាពឡើងទៅវគ្គផ្ដាច់ព្រ័ត្រ១រូបហើយគឺ ឃួន ឡាំងកូស៊ីន បន្ទាប់ពីយកឈ្នះពិន្ទុលើកីឡាករ ពេជ្រ ប៊ុនសិទ្ធ។ សម្រាប់សប្ដាហ៍នេះនឹងជម្រុះមួយគូទៀតរវាង ខេម ចាន់ និង រិន ដេវីត ដើម្បីឡើងទៅវគ្គផ្ដាច់ព្រ័ត្រ៕
