- 2020-12-21 02:16:46
- បាល់ទាត់
សាហាវហួស! AC Milan ធ្វើបានគ្រាប់បាល់លឿនបំផុតក្នុងប្រវត្តិសាស្ត្រ Serie A
- 2020-12-21 02:16:46
- ចំនួនមតិ 0 | ចំនួនចែករំលែក 0
សាហាវហួស! AC Milan ធ្វើបានគ្រាប់បាល់លឿនបំផុតក្នុងប្រវត្តិសាស្ត្រ Serie A
ចន្លោះមិនឃើញ
ខ្សែប្រយុទ្ធ Rafael Leao រកបានគ្រាប់បាល់លឿនបំផុតក្នុងប្រវត្តិសាស្ត្រ Serie A ដោយចំណាយពេលត្រឹមតែ៦វិនាទីប៉ុណ្ណោះ ក្នុងជំនួប AC Milan ឈ្នះ Sassuolo ២-១កាលពីយប់មិញ។
ការប្រកួតគ្រាប់តែអាជ្ញាកណ្ដាលផ្លុំកញ្ចែឲ្យលេងភ្លាម កីឡាករ Hakan Calhanoglu របស់ AC Milan បានអូសបាល់ចេញពីកណ្ដាលតារាង រួចបន្តប៉ះឲ្យ Rafael Leao ទាត់បញ្ចូលទីបានសម្រេច។
គ្រាប់បាល់ទីពីររបស់ Milan ធ្វើបានដោយកីឡាករ Alexis Saelemaekers ខណៈ Domenico Berardi ស៊ុតបានមួយគ្រាប់សងវិញឲ្យ Sassuolo។ គ្រាប់បាល់របស់ Rafael Leao បានយកឈ្នះកំណត់ត្រា៨,៩វិនាទីរបស់កីឡាករ Paolo Poggi នៃក្រុម Piacenza កាលលេងទល់នឹង Fiorentina កាលពីថ្ងៃទី ២ ខែ ធ្នូ ឆ្នាំ ២០០១។
ជ័យជម្នះនេះធ្វើឲ្យ AC Milan បន្តឈរកំពូលតារាងមិនទាន់ចាញ់សោះក្នុងលីគ។ ពួកគេគម្លាតតែ១ពិន្ទុប៉ុណ្ណោះពីក្រុមលេខ២ Inter Milan៕
