- 2020-12-09 08:11:45
- បាល់ទាត់
ត្រកូល Madrid នៅអេស្ប៉ាញ នឹងធ្លាក់ពី UCL ទាំងពីរ បើហ៊ានតែភ្លាត់រឿងនេះ
- 2020-12-09 08:11:45
- ចំនួនមតិ 0 | ចំនួនចែករំលែក 0
ត្រកូល Madrid នៅអេស្ប៉ាញ នឹងធ្លាក់ពី UCL ទាំងពីរ បើហ៊ានតែភ្លាត់រឿងនេះ
ចន្លោះមិនឃើញ
ការប្រកួតពានរង្វាន់ UEFA Champions League នឹងបញ្ចប់ការប្រកួតវគ្គសន្សំពិន្ទុតាមពូលនៅរាត្រីនេះហើយ ដើម្បីស្វែងរក១៦ក្រុមឡើងទៅវគ្គបន្ទាប់ទៀត។
ដោយក្នុងនោះដែរ ក្រុមនៅអេស្ប៉ាញមាន២ហើយឡើងទៅវគ្គបន្ដ គឺ Barcelona និង Sevilla ខណៈដែលនៅ២ទៀតកំពុងចាំមើលលទ្ធផលនៅរាត្រីនេះនៅឡើយ។ ២ក្រុមនោះគឺ Real Madrid និង Atletico Madrid ដែលកំពុងត្រូវការពិន្ទុនិងជ័យជម្នះសម្រាប់ប្រកួតចុងក្រោយ។
Real Madrid ប៉ះក្រុម Borussia Minchengladbach ។ ការប្រកួតមួយនេះ គឺក្រុមរបស់លោក Zidane ត្រូវការឈ្នះជាចាំបាច់តែម្ដងដើម្បីឡើងទៅវគ្គបន្ដបាន។ ប្រសិនបើភ្លាត់ចាញ់នោះ ពួកគេនឹងធ្លាក់ទៅលេងនៅពានរង្វាន់ Europa League ជាក់ជាមិនខាន ខណៈដែលតំណែងរបស់ Zidane វិញ ក៏ប្រហែលជាអស់ត្រឹមនេះដែរ។
ដោយឡែកក្រុម Atletico Madrid វិញ ក៏កំពុងត្រូវការឈ្នះដែរ។ ពួកគេនៅលេខ២ក្នុងពូល មាន៦ពិន្ទុ ហើយរាត្រីនេះប៉ះជាមួយក្រុមលេខ៣ Salzburg មាន៤ពិន្ទុ។ ប្រសិនបើភ្លាត់ចាញ់ នោះ Salzburg នឹងឡើងទៅលេខ២វិញ ហើយក្រុមរបស់លោក Simeone នឹងធ្លាក់ចេញមិនខាន។
ដូច្នេះហើយការប្រកួតនៅយប់នេះ គឺត្រកូល Madrid របស់អេស្ប៉ាញ ទាមទារណាស់ជ័យជម្នះដើម្បីមានឱកាសឡើងទៅវគ្គបន្ដបាន៕