- 2020-11-24 07:52:29
- បាល់ទាត់
គ្រូ Dynamo Kiev ថាអត់ Messi ក្រុម Barca នឹងលេងការពារល្អជាងមុន
- 2020-11-24 07:52:29
- ចំនួនមតិ 0 | ចំនួនចែករំលែក 0
គ្រូ Dynamo Kiev ថាអត់ Messi ក្រុម Barca នឹងលេងការពារល្អជាងមុន
ចន្លោះមិនឃើញ
ក្រុម Dynamo Kiev នឹងបើកកីឡដ្ឋានរបស់ខ្លួនស្វាគមន៍ក្រុមភ្ញៀវ FC Barcelona នៅរាត្រីនេះ សម្រាប់ការប្រកួតពានរង្វាន់ UEFA Champions League សប្ដាហ៍ទី៤។
ក្នុងការប្រកួតនេះដែរ ក្រុម Barcelona មិនមានវត្តមានរបស់ប្រធានក្រុម Lionel Messi ឡើយ ដោយសារតែលោក Ronald Koeman អ្នកចាត់ការក្រុម បានអះអាងថាទុករូបគេឱ្យសម្រាកបន្តិចសិន ព្រោះលេងច្រើនមកហើយ។ ខណៈដែលការប្រកួតនេះ គឺនឹងមិនផ្ដល់ផលលំបាកសម្រាប់ក្រុមនោះទេ ទោះលទ្ធផលយ៉ាងណាក៏ដោយ។
ដោយឡែកសម្រាប់លោក Mircea Lucescu ដែលជាគ្រូបង្វឹករបស់ក្រុម Dynamo Kiev វិញ បាននិយាយចំពោះការប្រកួតនេះដែលអត់មានវត្តមានរបស់ Messi ថា៖ “Barcelona គឺនៅតែជា Barcelona ទោះអត់ Messi ក៏ដោយ។ តែពួកគេក៏នឹងលេងការពារច្រើនជាងមុនផងដែរ។ យើងចង់ឈ្នះការប្រកួតនេះ ជ័យជម្នះគឺពិតជាសំខាន់ណាស់សម្រាប់ក្រុមយើង”៕