- 2020-11-23 09:22:43
- បាល់ទះ
ចំណុចពិសេសរបស់ គួន ម៉ុម ដែលគ្រប់គ្នាអាចមិនដឹង
- 2020-11-23 09:22:43
- ចំនួនមតិ 0 | ចំនួនចែករំលែក 0
ចំណុចពិសេសរបស់ គួន ម៉ុម ដែលគ្រប់គ្នាអាចមិនដឹង
ចន្លោះមិនឃើញ
គួន ម៉ុម ជាកីឡាករល្អមួយរូបរបស់ក្លឹបបាល់ទះវិសាខា ដែលកំពុងទទួលបានការគាំទ្រខ្លាំងពីមហាជន ពិសេសគេក៏ជាយុវជនដែលទើបត្រូវបានក្លឹបបាល់ទះអាជីពថៃ Prince ទាក់ទងទៅលេងនាចុងខែនេះផងដែរ ។ យ៉ាងណាប្រិយមិត្ត អាចមិនដឹងពីរឿងទាំងនេះរបស់ គួន ម៉ុម ពេលនេះ Sabay សូមធ្វើការបង្ហាញជូន ៖
១-ចូលហាត់នៅវិសាខា៖ គួន ម៉ុម ជាអតីតយុវជនរបស់ក្លឹបបាល់ទះក្រសួងមហាផ្ទៃ គេបានចូលខ្លួនមកហាត់នៅវិសាខាកាលឆ្នាំ២០១៨ ក្រោយបង្ហាញសមត្ថភាពគួរឲ្យចាប់អារម្មណ៍កាលប្រកួតកីឡាជាតិ ឆ្នាំ២០១៨ ដែលលេងឲ្យមហាផ្ទៃ។
២-ជាយុវជនដែលមានសមត្ថភាព និងកម្ពស់ល្អ៖ គួន ម៉ុម ជាយុវជនមានដើមកំណើតមកពីខេត្តតាកែវ ដែលទើបតែមានវ័យ ២៣ ឆ្នាំប៉ុណ្ណោះ ប៉ុន្តែគេទទួលបានឱកាសទៅលេងនៅលីគបាល់ទះឥណ្ឌូណេស៊ី ដែលមិនទាន់មានកីឡាករកម្ពុជារូបណាអាចធ្វើបាន ក្លឹបទៅលេងនោះគឺ JAKARTA GARUDA ។ បច្ចុប្បន្នយុវជនរូបនេះមានកម្ពស់ ១,៩៦ ម៉ែត្រ ហើយគេអាចលោតបានកម្ពស់ ៣,២៥ ទៅ ៣,៣០ ម៉ែត្រ។
៣-ក្លាយជាកីឡាករលេចធ្លោរបស់វិសាខាត្រឹមរយៈពេលជាង១៖ គួន ម៉ុម ត្រូវបានលោក សាន សុក្រិត គ្រូបង្វឹករបស់ក្លឹបវិសាខា មើលឃើញ និងសរសើរថា ជាកីឡាករដែលពោរពេញដោយសមត្ថភាព អាចវិវឌ្ឍន៍ខ្លួនក្លាយជាកីឡាករលេចធ្លោក្នុងក្រុម និងជម្រើសជាតិត្រឹមរយៈពេលជាង១ឆ្នាំ តាមរយៈការឈោងវ៉ៃលើបាំង និងផ្ដាច់បានយ៉ាងល្អក្នុងពេលបច្ចុប្បន្ន។
៤-ជាកីឡាករជម្រើសជាតិដែលរឹងល្អ៖ គ្រប់គ្នាប្រហែលជាបានដឹងហើយថា គួន ម៉ុម ជាកីឡាករផ្ដាច់ល្អ ប៉ុន្តែគេក៏ត្រូវបានគ្រូបង្វឹកជម្រើសជាតិលោក Li Jun មើលឃើញថា ល្អទាំងការចាប់សេវាផងដែរ ។ កីឡាកររូបនេះជាកូនសោសំខាន់មួយរបស់កម្ពុជា ក្នុងពេលបច្ចុប្បន្ន និងអនាគត ៕