វ៉ាន់ វឿន បឺត សង្ឃឹម គូនេះនៅតែចិត្តមិនដាច់ពីគ្នាឥលូវប៉ះទៀតហើយខ្សែក្រវាត់ CNC

2020-11-23 06:52:05
ប្រដាល់

2020-11-23 06:52:05
ចំនួនមតិ 0 | ចំនួនចែករំលែក 0

ចន្លោះមិនឃើញ

អ្នកប្រដាល់មានប្រវត្តិជូរចត់ វ៉ាន់ វឿន និង បឺត សង្ឃឹម នៅតែចិត្តមិនដាច់ពីគ្នា ឥលូវនេះប៉ះទៀតហើយវគ្គផ្ដាច់ព្រ័ត្រក្រុមទី១ ដំណើរឆ្ពោះទៅរកខ្សែក្រវាត់ទម្ងន់ ៥៧គីឡូក្រាមនៅសង្វៀន CNC ប៉ុន្មានសប្ដាហ៍ខាងមុខនេះ។

បឺត សង្ឃឹម (ខឿវ) វ៉ាន់ វឿន (ក្រហម)

កីឡាករទាំងពីរនាក់នេះមិនឲ្យលើសខ្វះគ្នានោះទេ ពោលវគ្គជម្រុះកាលពីព្រឹកថ្ងៃសៅរ៍ ទី២១ ខែវិច្ឆិកា ឆ្នាំ២០២០ ពួកគេសុទ្ធតែផ្ដួលដៃគូឲ្យសន្លប់មិនឆ្លងដល់៥ទឹកដូចគ្នាបានឡើងទៅវគ្គផ្ដាច់ព្រ័ត្រក្រុមទី១ ។

សុខ ទូ ឬ វ៉ាន់ វឿន បានឲ្យដឹងក្រោយចប់ការប្រកួតថា ខ្លួននឹងធ្វើឲ្យកក្រើកម្ដងទៀតនាវគ្គផ្ដាច់ព្រ័ត្រក្រុមទី១ ខាងមុខជាមួយ បឺត សង្ឃឹម។ ម្ចាស់មេដាយសំរឹទ្ធ ស៊ីហ្គេម រូបនេះសន្យាថានឹងប្រឹងប្រែងហ្វឹកហាត់ត្រៀមខ្លួនឲ្យបានល្អសម្រាប់ការប្រកួតដ៏សំខាន់មួយនេះ។

សង្ឃឹម ផ្ដួល វ៉ាន់ វឿន កន្លងទៅ

រំលឹកដែរថា សរុបការប្រកួតប៉ះគ្នារវាង វ៉ាន់ វឿន និង បឺត សង្ឃឹម នេះគឺ៥ដងហើយមានចាញ់មានឈ្នះដូចគ្នា ប៉ុន្តែ៣ប្រកួតចុងក្រោយឈ្នះសន្លប់រហូត(សង្ឃឺម)។ ដែលចាប់អារម្មណ៍បំផុតរវាងអ្នកទាំងពីរនាក់នេះគឺការភ្លាត់ចាញ់ជូរចត់នៅវគ្គផ្ដាច់ព្រ័ត្រខ្សែក្រវាត់គោជល់អមដោយប្រាក់រង្វាន់រាប់ពាន់ដុល្លារ ខណៈ បឺត សង្ឃឹម មិនដែលមានខ្សែក្រវាត់សូម្បី១គ្រឿងសម្រាប់ខ្លួន។ ចំពោះការប៉ះគ្នាវគ្គផ្ដាច់ព្រ័ត្រនេះប្រហែលនឹងធ្វើឡើង២សប្ដាហ៍ទៀតនៅសង្វៀន CNC ៕

អត្ថបទ៖ នួន ស៊ីណា