- 2020-11-20 01:51:36
- បាល់ទាត់
លេចរឿងកីឡាករ Arsenal វាយគ្នា David Luiz ម៉ាត់ Ceballos កណ្ដាលមុខ
- 2020-11-20 01:51:36
- ចំនួនមតិ 0 | ចំនួនចែករំលែក 0
លេចរឿងកីឡាករ Arsenal វាយគ្នា David Luiz ម៉ាត់ Ceballos កណ្ដាលមុខ
ចន្លោះមិនឃើញ
ខ្សែការពារ David Luiz បានវាយទៅលើមុខរបស់មិត្តរួមក្រុម Dani Ceballos អំឡុងពេលហ្វឹកហាត់កាលពីពេលថ្មីៗកន្លងទៅ។
ករណីវាយតប់គ្នានេះកើតឡើងអំឡុងពេលហ្វឹកហាត់ប្រកួតគ្នាកាលពីថ្ងៃសុក្រសប្ដាហ៍មុន ពេលដែលកីឡាកររបស់ Arsenal ជាច្រើនចេញទៅបំពេញភារកិច្ចឲ្យជម្រើសជាតិរៀងៗខ្លួន។ ការប្រកួតបានបញ្ចូលគ្នារវាងកីឡាករក្នុងឈុតធំដែលមិនបានទៅជម្រើសជាតិ ជាមួយកីឡាករមកពីឈុតយុវជន។
តាមប្រភពឲ្យដឹងថា Luiz ជាមួយនឹងកីឡាករក្នុងឈុតធំផ្សេងគ្នាបានបង្ហាញការមិនសប្បាយចិត្តជាមួយ Ceballos ដោយសារតែគេប៉ះទង្គិចគ្នាជាមួយកីឡាករយុវជន។ ក្រោយមក Luiz បានឈ្លោះសម្ដីគ្នាជាមួយ Ceballos ហើយក៏ម៉ាត់មួយដៃធ្វើឲ្យដួលតែម្ដង។
Ceballos បានប៉ះទង្គិចលើច្រមុះ និងដួលលើដី។ ឃើញដូចគ្នាបុគ្គលិករបស់ Arsenal បានបំបែកពួកគេទាំងពីរ។ ក្រោយពួកគេបានសម្រួលគ្នាដោយធ្វើការសុំទោសទៅវិញទៅមក៕