- 2020-11-19 09:08:04
- ប្រដាល់
អាថ៌កំបាំងជាច្រើនឆ្នាំ ពេលនេះ Mike Tyson ប្រាប់មូលហេតុខាំត្រចៀក Holyfield
- 2020-11-19 09:08:04
- ចំនួនមតិ 0 | ចំនួនចែករំលែក 0
អាថ៌កំបាំងជាច្រើនឆ្នាំ ពេលនេះ Mike Tyson ប្រាប់មូលហេតុខាំត្រចៀក Holyfield
ចន្លោះមិនឃើញ
អតីតអ្នកប្រដាល់ Mike Tyson បានទម្លាយឲ្យដឹងថា គេខាំស្លឹកត្រចៀក Evander Holyfield ក្នុងការប្រកួតកាលពីឆ្នាំ១៩៩៧ ដោយសារតែ Holyfield យកក្បាលមកជល់គេ។
គេចាំបានថា បន្ទាប់ពី Holyfield គ្រប់គ្រងការប្រកួតនោះដើមទឹក ពេលនោះស្រាប់តែឭសំឡេងស្រែកឈឺចាប់ ព្រោះតែ Tyson បានខាំស្លឹកត្រចៀករបស់គេ។ Tyson ត្រូវបានចៅក្រមដកពិន្ទុ បន្ទាប់មកបានដកសិទ្ធិការប្រកួតត្រឹមទឹកទី៣ ឲ្យ Holyfield ឈ្នះតែម្ដង។
វាគឺជាលើកដំបូងក្នុងការប្រកួត Heavyweight ក្នុងរយៈពេល៥០ឆ្នាំដែលមានការដកសិទ្ធប្រកួត។ អស់រយៈពេលជាច្រើនឆ្នាំ Tyson បានទម្លាយមូលហេតុថា ពេលនោះគេខឹង Holyfield ខ្លាំងណាស់ ដោយសារតែគេបានយកក្បាលមកជល់ខ្លួនពេលកំពុងប្រកួត។
“ខ្ញុំខាំគេព្រោះតែខ្ញុំចង់សម្លាប់គេ។ ខ្ញុំពិតជាខឹងខ្លាំងណាស់ ដោយសារតែក្បាលរបស់ខ្ញុំត្រូវគេជល់។ ខ្ញុំពិតជាបាត់បង់ស្មារតីសម្រាប់ការប្រកួតទាំងមូល។ វាបានបំផ្លាញគម្រោងនៃការប្រកួតរបស់ខ្ញុំនិងអ្វីៗទាំងអស់”។ សម្ដី Tyson៕