ជើងខ្លាំងបាល់ទះកម្រិត ខ្ពស់ទាំង៤នាក់នេះសុទ្ធតែមកពីខេត្តតាកែវ

2020-11-17 08:21:20
បាល់ទះ

2020-11-17 08:21:20
ចំនួនមតិ 0 | ចំនួនចែករំលែក 0

ចន្លោះមិនឃើញ

កីឡាករបាល់ទះទាំង ៤ នាក់នេះសុទ្ធតែជាកីឡាករកម្រិតខ្ពស់របស់កម្ពុជា ហើយមកពីខេត្តតាកែវដូចគ្នា គឺ គួន ម៉ុម, ពិន សារ៉ុន, រស់ ហាន់វ៉ា និង រស់ វេត ។

១-ពិន សារ៉ុន ៖ កីឡាករកម្ពស់ ២,០១ រូបនេះមានស្រុកកំណើតនៅស្រុកគីរីវង់ ខេត្តតាកែវ។ កីឡាកររូបនេះត្រូវបានគេមើលឃើញថា កម្រចេញលេងខាងក្រៅ ប៉ុន្តែគេមានសមត្ថភាពមិនធម្មតា ពោលវ៉ៃបាល់ ៣ ម៉ែត្រ ល្អខ្លាំងគ្រប់ការប្រកួតផ្លូវការ មិនថា ក្នុងស្រុក និងក្រៅស្រុក។ គេក៏ជាកីឡាករជម្រើសជាតិមួយរូបដ៏ល្អរបស់កម្ពុជាផងដែរ។

២-គួន ម៉ុម ៖ ឃុំស្រែននោង ស្រុកត្រាំកក់ ខេត្តតាកែវ។ គួន ម៉ុម កម្ពស់ ១,៩៦ ម៉ែត្រ មានអាយុ ២៣ ឆ្នាំ។ កីឡាកររូបនេះជាស្មាត់ធំមួយរូបរបស់ជម្រើសជាតិកម្ពុជា ហើយត្រូវបានមហាជនស្គាល់សមត្ថភាពច្បាស់តាមរយៈការចេញទៅលេងក្រៅស្រុក និងលេងក្នុងស្រុកជាដើម។

៣-រស់ ហាន់វ៉ា ៖ ស្មាត់ធំរូបនេះក៏ជាអ្នកស្រុកទ្រាំង ខេត្តតាកែវ ដែលជំនាញក្នុងការធ្វើរនាំង (បាំង ) និងលេងបាល់ដេញ អាចឡើងធ្វើឆ្វេងក៏បាន។ ពិសេសគេជាស្មាត់ល្អមួយរូបរបស់កម្ពុជា ដែលមានកម្ពស់ ១,៧៩ ម៉ែត្រ ។

៤- រស់ វេត ៖ ស្មាត់ស្ដាំពូកែផ្ដាច់រូបនេះមានជំនាញវ៉ៃសេវាល្អដូចផ្កា ទាំងធ្ងន់ និងចោះច្បាស់ ពិសេសគេក៏អាចលោតបានខ្ពស់មិនចាញ់ស្មាត់ធំៗ ស្រុកខ្មែរផ្សេង ដូចជា សុវណ្ណនាថ និង ម៉ាប់ឆ្វេង ជាដើម។ វេត ជាប្អូនប្រុសបង្កើតរបស់ស្មាត់កំពូល បោក-បាំង វ៉ា ។ កីឡាកររូបនេះ ១,៨២ ម៉ែត្រ៕