- 2020-11-16 07:22:16
- បាល់ទះ
ក្លឹប២កំពុងចែចូវ ចាន់ សុភា យុវជនរបស់ណាហ្គាវើលដ៍
- 2020-11-16 07:22:16
- ចំនួនមតិ 0 | ចំនួនចែករំលែក 0
ក្លឹប២កំពុងចែចូវ ចាន់ សុភា យុវជនរបស់ណាហ្គាវើលដ៍
ចន្លោះមិនឃើញ
តាមការឱ្យដឹងរបស់យុវជនក្លឹបណាហ្គាវើលដ៍ ចាន់ សុភា ឆ្នាំ២០២០នេះមានក្លឹបលីគកំពូលកម្ពុជាចំនួន២ កំពុងតាមចែចូវចង់បានរូបគេទៅចូលរួមក្រុម។ ក្លឹបទាំងពីរនោះគឺ ក្លឹបបាល់ទាត់អគ្គិសនីកម្ពុជា និងអង្គរថាយហ្គឺរ។
ចំពោះជម្រើសវិញអតីតយុវជន AFF U-18 Youth Championship ឆ្នាំ២០១៩ នៅមិនទាន់ច្បាស់ថាត្រូវជ្រើសយកមួយណាឡើយ ខណៈក្លឹបរបស់គេបច្ចុប្បន្ន ក៏បានបើកភ្លើងខៀវឱ្យរូបគេ ស្វែងរកទ្រនំ ថ្មីលេងឱ្យបានច្រើនជាងនេះដើម្បីអភិវឌ្ឍសមត្ថភាពបន្ថែមទៀត។
ប្រាប់មកកាន់ Sabay ថ្ងៃនេះ ចាន់ សុភា ថាគេនឹងជ្រើសយកមួយក្រុម ដើម្បីបន្តដំណើរជីវិតក្នុងអាជីពបាល់ទាត់របស់គេ ប៉ុន្តែឥឡូវកំពុងស្ថិតក្នុងការពិចារណា និងចចារ ហើយអតីតកីឡាករអង្គការផ្កាយសមុទ្រ ជឿជាក់គេនឹងបានបង្ហាញខ្លួនញឹកញាប់។
យុវជនជួយក្រុមគោព្រៃជំទង់កម្ពុជា ទម្លាក់ប្រទេសថៃ និងវៀតណាមជាប្រវត្តិសាស្ត្រនេះ បានពន្យល់ថា ៖«សម្រាប់ពីរ(ក្លឹប)ហ្នឹង បើតាមប្អូនគិត បើគេត្រូវការប្អូនហើយ អ៊ីចឹងមានន័យថា បើប្អូនទៅឱកាសគេនឹងឱ្យប្អូនលេងច្រើន សម្រាប់ខ្ញុំខ្ញុំហ៊ាននិយាយថាច្រើន ពីព្រោះដែលចង់បានយើងហើយ ចឹងឱកាសដែលយើងលេង ដឹងគេផ្ដល់ឱ្យយើងច្រើន»។
ខ្សែបម្រើការពាររូបនេះ បានចូលរួមជាមួយណាហ្គាវើលដ៍ក្នុងឆ្នាំ២០១៩ ក្រោយក្លឹបចាស់វេសស្ទឺនភ្នំពេញរបស់គេ ប្រកាសផ្អាកសកម្មភាព។ វ័យនៅក្មេងប៉ុន្តែរូបគេ មិនមានឱកាសបង្ហាញសមត្ថភាពលើទីលានច្រើនទេ ប៉ុន្តែយ៉ាងណាអតីតកីឡាករអគ្គិសនីកម្ពុជា បានបង្ហាញការដឹងគុណដល់ក្លឹប ដោយលើកឡើងគេមិនអាចជាប់ជម្រើសជាតិ U18 បានឡើយ បើសិនគ្មានក្លឹបចាស់វស្សាសំបូរបទពិសោធន៍មួយនេះ៕