/Football(37)/5fa76564ce57d_1604805960_medium.jpg)
- 2020-11-08 03:33:10
- បាល់ទាត់
Fati កំពុងល្អ តែរបួសយប់មិញនឹងធ្វើឱ្យរូបគេអវត្តមានច្រើនខែ
- 2020-11-08 03:33:10
- ចំនួនមតិ 0 | ចំនួនចែករំលែក 0
Fati កំពុងល្អ តែរបួសយប់មិញនឹងធ្វើឱ្យរូបគេអវត្តមានច្រើនខែ
ចន្លោះមិនឃើញ
ក្រុម Barcelona បានបញ្ជាក់ថាខ្សែប្រយុទ្ធ Ansu Fati របស់ខ្លួននឹងអវត្តមានពីទីលានជាច្រើនខែមិនខាន ក្រោយពីរងរបួសខ្លាំងពេលលេងទល់ Real Betis យប់មិញ។
ក្រុមអ្នកមានបុណ្យ Barcelona បានយកឈ្នះលើក្រុម Real Betis ក្នុងលទ្ធផល ៥-២ នាការប្រកួតពានរង្វាន់ La Liga នៅយប់មិញនេះ។ យ៉ាងណាមិញក្រៅពីទទួលបានលទ្ធផលល្អនេះហើយ ក្រុមរបស់លោក Koeman ក៏មានដំណឹងអាក្រក់មួយទៀតដែរ។ Fati ដែលប្ដូរចេញនៅតង់ទី១នោះ បានរងឃើញថាមានការប៉ះទង្គិចធ្ងន់ធ្ងរ។ របួសនេះ ត្រូវបានគេដឹងថាអាចនឹងសម្រាកពី៣ទៅ៥ខែឯណោះ ទើបអាចចូលលេងវិញបាន។
Fati វ័យ១៨ឆ្នាំកំពុងលេងបានយ៉ាងល្អទាំងនៅក្រុម Barcelona និងជម្រើសជាតិអេស្ប៉ាញ។ រូបគេរកបាន៥គ្រាប់ផងដែរ ក្នុងការប្រកួត៥ប្រកួតឱ្យក្រុមអ្នកមានបុណ្យនៅរដូវកាលនេះ។ បញ្ហារបួសកីឡាករលេងល្អជាច្រើនខែនេះ ទំនងជាតម្រូវឱ្យលោក Koeman ទិញកីឡាករថ្មីមែនទែនហើយនៅខែមករាដើមឆ្នាំ២០២១ខាងមុខ៕
