- 2020-11-05 06:52:56
- ប្រដាល់
ពេជ្រ ប៊ុនសិទ្ធ ស្វាគមន៍ជានិច្ចបើ យីប ឌុប ចង់វ៉ៃប្ដូរថ្ងៃអាទិត្យសប្ដាហ៍នេះនៅ PNN
- 2020-11-05 06:52:56
- ចំនួនមតិ 0 | ចំនួនចែករំលែក 0
ពេជ្រ ប៊ុនសិទ្ធ ស្វាគមន៍ជានិច្ចបើ យីប ឌុប ចង់វ៉ៃប្ដូរថ្ងៃអាទិត្យសប្ដាហ៍នេះនៅ PNN
ចន្លោះមិនឃើញ
អ្នកប្រដាល់ដើរបុក ពេជ្រ ប៊ុនសិទ្ធិ ថាស្វាគមន៍ចំពោះការចង់វ៉ៃប្ដូរឲ្យខ្លួនសន្លប់ដើម្បីបានឡើងទៅវគ្គខ្វែងខ្សែក្រវាត់ PNN អាទិត្យនេះ។
ពេជ្រ ប៊ុនសិទ្ធ លើកឡើងក្នុងកិច្ចសម្ភាសថ្មីៗនេះថា ខ្លួនមិនមានចិត្តខ្លាចញញើតអ្វីចំពោះការប្រកាសរបស់ យីប ឌុប ចង់វ៉ៃប្ដូរឲ្យសន្លប់ដើម្បីបានឱកាសឡើងទៅវគ្គខ្វែងរបស់កីឡាកររូបនេះទេ។ បើទោះជាធ្លាប់ឈ្នះ យីប ឌុប រហូតដល់២ដងយ៉ាងណាក្ដី ប៊ុនសិទ្ធ មិនហ៊ានមើលងាយពីសមត្ថភាពដៃគូឡើយ និងប្ដេជ្ញាយកជ័យជម្នះឲ្យបាន។
កូនសិស្សលោក ពេជ្រ សុផាន ខាងលើនេះបន្ថែមទៀតថា លើកចិត្តឲ្យ យីប ឌុប វ៉ៃប្ដូរឲ្យខ្លាំងមកដើម្បីការប្រកួតមួយនេះកាន់តែល្អមើល និងកក្រើកជាទីចាប់អារម្មណ៍របស់អ្នកតាមដាន ឬទស្សនាគុនខ្មែរ។
រំលឹកដែរថា ការប្រកួតសប្ដាហ៍ទី៣ ចុងក្រោយរបស់ ពេជ្រ ប៊ុនសិទ្ធ ប៉ះ យីប ឌុប នេះនឹងធ្វើឡើងនៅថ្ងៃអាទិត្យ ទី៨ ខែវិច្ឆិកា ឆ្នាំ២០២០ វេលាម៉ោង ១២ថ្ងៃត្រង់។ គូនេះមិនទាន់ច្បាស់ថានរណាឡើងទៅវគ្គខ្វែង ឬពាក់កណ្ដាលផ្ដាច់ព្រ័ត្រជាមួយ ខេម ចាន់ នោះទេដោយគ្រាន់តែភាគរយខ្ពស់បានលើ ពេជ្រ ប៊ុនសិទ្ធ៕
