- 2020-11-05 03:30:12
- ប្រដាល់
មកដឹងអ្នកប្រដាល់វ័យក្មេង៣រូបមានទ្រព្យសម្បត្តិខ្ទង់ម៉ឺនដុល្លារពីវិស័យប្រដាល់
- 2020-11-05 03:30:12
- ចំនួនមតិ 0 | ចំនួនចែករំលែក 0
មកដឹងអ្នកប្រដាល់វ័យក្មេង៣រូបមានទ្រព្យសម្បត្តិខ្ទង់ម៉ឺនដុល្លារពីវិស័យប្រដាល់
ចន្លោះមិនឃើញ
សម្រាប់អ្នកប្រដាល់មួយចំនួនរអ៊ូថាមានជីវភាពខ្វះខាត និងការចាប់អាជីពមួយនេះមិនសូវសមប្រកបដូចអាជីពផ្សេង ប៉ុន្តែយ៉ាងណាចំពោះអ្នកលេងគុនខ្មែរវ័យក្មេង៣រូបនេះវិញបែរជាមានប្រាក់សមល្មមក៏ដូចជាសន្សំសំចៃទិញបានទ្រព្យសម្បត្តិខ្ទង់ម៉ឺនដុល្លារទៅវិញ។
ទី១ កីឡាករវ័យក្មេង ឈិត សេរីវណ្ណថង៖ អ្នកប្រដាល់រូបនេះធ្លាប់ប្រាប់ Sabay ថាមានថ្ងៃនេះដោយសារប្រដាល់ ហើយបើនិយាយពីទ្រព្យសម្បត្តិ ឬរបស់ដែលសន្សំលុយពីប្រដាល់ទិញនោះរួមមានដីមួយកន្លែងក្បែរផ្ទះតម្លៃជាង ១ម៉ឺនដុល្លារ។ ក្រៅតែដីមួយប្លង់នេះគឺមានម៉ូតូប៉ុន្មានគ្រឿងទៀតដែរ។
ទី២ កីឡាករវ័យក្មេង ឃីម បូរ៉ា៖ ប្អូនប្រុសរបស់ ឌីម៉ា ម្នាក់នេះក៏មិនធម្មតាដែរ ប្រាក់វ៉ៃបានមានប្រពន្ធទុកដាក់បានល្អ ខណៈភរិយារបស់គេក៏មានរបបលក់សាច់ជ្រូកបន្ទាប់បន្សំទៀត។ បូរ៉ា ធ្លាប់ប្រាប់ថាប្រាក់សន្សំបានពីប្រដាល់នេះគឺបានធ្វើផ្ទះថ្មតម្លៃខ្ទង់២ម៉ឺនដុល្លារឯណោះស្របពេលជីវភាពគ្រួសារក៏ធូរធារល្មមនាពេលបច្ចុប្បន្ននេះ។
ទី៣ កីឡាករវ័យក្មេង លន បញ្ញា៖ អ្នកប្រដាល់ដើមកំណើតមកពីខេត្តព្រៃវែងរូបនេះបើទោះជាកំព្រាម្ដាយឪពុកបែបនេះក្ដី ក៏រូបនេះសន្សំប្រាក់កាក់បានច្រើនគួរសមដែរ។ លុយដែល បញ្ញា ឈ្នះពីខ្សែក្រវាត់៣គ្រឿងកន្លងទៅនេះគឺសន្សំទិញដីឡូត៍បាន២ប្លង់តម្លៃខ្ទង់២ម៉ឺនដុល្លារផងដែរ ប៉ុន្តែខ្លួនបង់មុនខ្លះ បន្ទាប់មករំលស់។ ក្រៅតែពីថវិកានេះហើយកូនសិស្សលោក ធន់ សុភា រូបនេះឈ្នះម៉ូតូបានឲ្យប្អូន និងទិញម៉ូតូក៏ដូចជារបស់មានតម្លៃមួយចំនួនទៀតដែរសម្រាប់ខ្លួនឯងផងដែរ៕
