- 2020-10-20 02:59:20
- បាល់ទាត់
Carragher ព្រមាន Liverpool ថាប្រយ័ត្នដើរតាមគន្លង City បើមិនទិញខ្សែការពារថ្មី
- 2020-10-20 02:59:20
- ចំនួនមតិ 0 | ចំនួនចែករំលែក 0
Carragher ព្រមាន Liverpool ថាប្រយ័ត្នដើរតាមគន្លង City បើមិនទិញខ្សែការពារថ្មី
ចន្លោះមិនឃើញ
វីរបុរសរបស់ Liverpool លោក Jamie Carragher ជឿជាក់ថា ក្លឹបនឹងពិបាកការពារជើងឯក Premier League ដោយគ្មាន Virgil van Dijk ហើយ Jurgen Klopp គួរតែចំណាយលុយធំទិញខ្សែការពារ Dayot Upamecano នៅខែមករាខាងមុខ។
Van Dijk បានទទួលរងរបួសសរសៃពួរជង្គង់ បន្ទាប់ពីប៉ះទង្គិចជាមួយអ្នកចាំទីរបស់ Everton កីឡាករ Jordan Pickford កាលពីចុងសប្ដាហ៍។ របួសនេះអាចពន្យារធ្វើឲ្យកីឡាករសញ្ជាតិហុល្លង់មិនអាចចូលលេងដល់ទៅពេញមួយរដូវកាល។
តាមរយៈអតីតកីឡាកររបស់ហង្សក្រហមនិងបច្ចុប្បន្នជាអ្នកវិភាគកីឡាលោក Carragher ថា Liverpool អាចនឹងដើរតាមគន្លងដូច Manchester City នៅឆ្នាំមុន ដែលអវត្តមានខ្សែការពារ Aymeric Laporte ហើយមិនអាចការពារជើងឯក PL បាន។
សាកសួរក្នុងកម្មវិធីរបស់ Sky Sport កាលពីម្សិលមិញ តើ Liverpool អាចការពារតំណែងជើងឯកបានទេ? លោក Carragher ឆ្លើយថា តាមប្រវត្តិសាស្ត្រគឺមិនអាចទេ។ Contana អវត្តមានឲ្យ Man Utd ពាក់កណ្ដាលរដូវកាល ធ្វើឲ្យ Blackburn លើកពាន។ Laporte ខកខានច្រើនប្រកួតឲ្យ City ធ្វើឲ្យ Liverpool លើកពាន។ លោកចង់មានន័យថា ពេលដែលកីឡាករសំខាន់របស់ក្រុមអវត្តមាន ហើយមិនរកអ្នកជំនួស ក្រុមមិនអាចការពារជើងឯកបានឡើយ។
Carragher បានណែនាំឲ្យ Jurgen Klopp ទិញខ្សែការពារ Dayot Upamecano វ័យ២១ឆ្នាំពីក្រុម RB Leipzip ដើម្បីជំនួសកន្លែង Virgil van Dijk៕