វីដេអូបង្ហាញពីជីវិតតស៊ូរបស់មេ ONE Championship លោក Chatri Sityodtong

2020-10-13 03:37:50
ប្រដាល់

2020-10-13 03:37:50
ចំនួនមតិ 0 | ចំនួនចែករំលែក 0

ចន្លោះមិនឃើញ

លោក Chatri Sityodtong ប្រធាន និងជានាយកប្រតិបត្តិ ONE Championship ត្រូវបានសារព័ត៌មាននានាក្នុងលោកចាប់អារម្មណ៍យ៉ាងខ្លាំង ដោយសារតែជីវិតរបស់លោកបានឆ្លងកាត់ព្យុះភ្លៀងជាច្រើន ទម្រាំក្លាយជាអ្នកជំនួញដ៏ជោគជ័យមួយរូប។

លោកបានហែលឆ្លងភាពក្រីក្រ នៅពេលគ្រួសាររបស់លោកត្រូវរងការវាយប្រហារពីវិបត្តិសេដ្ឋកិច្ចអាស៊ីនៅក្នុងប្រទេសថៃ។ តាមរយៈការតស៊ូប្រឹងប្រែងធ្វើការ និងចំណង់ក្នុងវិស័យក្បាច់គុន យុវជន Sityodtong បានប្រើការឈឺចាប់ ដើម្បីឈានឆ្ពោះទៅកាន់ភាពជោគជ័យ។ នៅទីបំផុត បុរសកូនកាត់ថៃ-ជប៉ុនរូបនេះ បានបង្កើត ONE Championship ដែលបានបង្រួបបង្រួម និងលើកស្ទួយក្បាច់គុន និងកេរ្តិ៍តំណែលវប្បធម៌ដ៏ថ្លៃថ្លាក្នុងតំបន់អាស៊ី ដែលមានប្រជាជន ៤ពាន់លាននាក់។

នៅក្នុងវីដេអូរឿងខ្លី ដែលមានចំណងជើងថា “The Chatri Sityodtong Story | Suffering, Sacrifice & Success” លោក Sityodtong បានបង្ហាញឲ្យអ្នកទស្សនាបានឃើញពីជីវិតពីកុមារភាពរបស់លោក ពីមូលហេតុដែលធ្វើឲ្យលោកឈានជើងចូលហាត់ប្រដាល់ថៃ ក៏ដូចជាបង្ហាញពីជិវិតតស៊ូរៀននៅសាកលវិទ្យាល័យ Harvard ដោយចាយលុយត្រឹម ៤ដុល្លារក្នុង១ថ្ងៃលើទឹកដីអាមេរិក។ នៅក្នុងវីដេអូនេះ ក៏មានការសម្ភាសន៍ម្ដាយរបស់លោក Sityodtong រួមទាំងមិត្តភក្ដិរបស់លោកមួយចំនួនផងដែរ។

ចង់ដឹងថាវីដេអូរឿងខ្លីនេះយ៉ាងណានោះ សូមទស្សនាវីដេអូខាងក្រោម៖