- 2020-10-05 07:25:25
- បាល់ទាត់
AIA-ISF Youth league ២០១៩-២០២០ ចំណាយសរុបជាង២ម៉ឺន
- 2020-10-05 07:25:25
- ចំនួនមតិ 0 | ចំនួនចែករំលែក 0
AIA-ISF Youth league ២០១៩-២០២០ ចំណាយសរុបជាង២ម៉ឺន
ចន្លោះមិនឃើញ
ព្រឹត្តិការណ៍ប្រកួតពានវិលជុំ AIA-ISF Youth league ២០១៩-២០២០ បានបញ្ចប់កាលពីថ្ងៃទី៤ ខែតុលា ឆ្នាំ២០២០ ម្សិលមិញនេះនៅទីលានផ្កាយសមុទ្រ។
លោក យិន សាមឌី ប្រធានគ្រប់គ្រងកម្មវិធីបាល់ទាត់នៅអង្គការផ្កាយសមុទ្របានឲ្យដឹងថា ការប្រកួតនេះបានចាប់ផ្ដើមកាលពីខែធ្នូ ឆ្នាំ២០១៩ ប៉ុន្តែដោយសារការរីករាលដាលនៃជម្ងឺកូវីដ ១៩ ទើបធ្វើឲ្យកម្មវិធីត្រូវបាន ពន្យារពេលមកដល់ពេលនេះ។ តាមកម្មវិធីគឺត្រូវបញ្ចប់កាលពីខែមិថុនា ឆ្នាំ២០២០ មកម្ល៉េះ តែដោយសារបញ្ហាខាងលើទើបពន្យារពេល។ សម្រាប់ការចំណាយលោកបានបញ្ជាក់ថា មានកញ្ចប់ប្រមាណជាជាង ២ ម៉ឺនដុល្លារ ដែលជាការចំណាយសរុប។
លោកមើលឃើញថា ជារៀងរាល់ឆ្នាំការចូលរួមមានការកើនឡើងពីមួយឆ្នាំទៅមួយឆ្នាំ ដែលឆ្នាំនេះមានក្រុមចូលរួមដល់ជាង ១០០ ក្រុម ហើយសម្បូរទៅដោយកីឡាករល្អៗទៀតផង។ ពានខាងលើនេះបង្កើតឡើង ដើម្បីផ្ដល់ឱកាសឲ្យក្មេងៗនៅតាមសហគមន៍ផ្សេងៗ ដែលមិនសូវទទួលបានឱកាសក្នុងការលេងបាល់ ទទួលបានការបញ្ចេញសមត្ថភាព។
ជាការពិតពាននេះ នឹងអាចពង្រីកទៅតាមបណ្ដាខេត្តបន្ថែមទៀតនាឆ្នាំក្រោយ ដើម្បីផ្ដល់ឱកាសឲ្យក្មេងៗនៅតាមខេត្តអាចមានឱកាសលេងបាល់ទាត់ និងទទួលបានបទពិសោធក្នុងការធ្វើការជាក្រុម។ ខេត្តដែលជាទិសដៅគឺខេត្តសៀមរាប និងខេត្តបាត់ដំបង ហើយក៏អាចខេត្តកំពតផងដែរ។
ជាមួយគ្នានោះលោកស្រី Pauline Teoh នាយិកានៃក្រុមហ៊ុន AIA បានបន្តជួយគាំទ្រឧបត្ថម្ភឲ្យមានការប្រកួតពានរង្វាន់នេះចំនួន ៣ ឆ្នាំទៀតផងដែរ ។
លទ្ធផលការប្រកួតវគ្គផ្ដាច់ព្រ័ត្រ៖
កុមារអាយុក្រោម ១៨ ប្រុស : PSE ០ - ២ Fox Empire
កុមារអាយុក្រោម ១៦ ប្រុស : នគររាជ ១- ០ ISI Dongkoa Senchey
កុមារអាយុក្រោម ១៤ ប្រុស : នគររាជ ៥- ៩ ISI Dongkoa Senchey
កុមារអាយុក្រោម ១០ ប្រុស : EYC ៥ - ៦ សាលាបឋមសិក្សាទួលរការ
កុមារអាយុក្រោម ១៨ ស្រី: សហគមន៏បាល់ទាត់ខេត្តកំពង់ស្ពឺ ២ - ៥ PSE
កុមារអាយុក្រោម ១៤ ស្រី: សាលាបឋមសិក្សាពញ្ញាពន់ ៥-១ Chibodia
កុមារអាយុក្រោម ១០ ស្រី: សហគមន៏បាល់ទាត់ខេត្តកំពង់ស្ពឺ ១១ - ០ សាលាបឋមសិក្សារបោះអង្កាញ់