- 2020-10-05 06:08:11
- កីឡាផ្សេងៗ
ឯកឧត្ដម កែវ រ៉េមី ចុះមើលផ្ទាល់ក្លឹប ITF នៅបាក់ខែង ព្រោះពោរពេញដោយសិស្សមានស្នាដៃ
- 2020-10-05 06:08:11
- ចំនួនមតិ 0 | ចំនួនចែករំលែក 0
ឯកឧត្ដម កែវ រ៉េមី ចុះមើលផ្ទាល់ក្លឹប ITF នៅបាក់ខែង ព្រោះពោរពេញដោយសិស្សមានស្នាដៃ
ចន្លោះមិនឃើញ
ប្រធានសហព័ន្ធតេក្វាន់ដូ ITF កម្ពុជា បានចុះទៅផ្ទាល់ដល់ក្លឹបក្ដីចាស់ នៅឯបាក់ខែងតែម្ដងកាលពីថ្ងៃសៅរ៍ ទី៣ តុលា ២០២០ ព្រោះក្លឹបនេះពោរពេញដោយសិស្សៗមានសមត្ថភាព និងនាំមេដាយកម្រិតអន្តរជាតិជូនប្រទេសកន្លងទៅ។
ឯកឧត្ដម កែវ រ៉េមី ប្រធានសហព័ន្ធតេក្វាន់ដូ ITF បានឲ្យដឹងថា ការចុះផ្ទាល់ដល់ក្លឹបនានានោះមិនសំខាន់ថាជាក្លឹបល្អ ស្អាត ឬនៅជិតនោះទេចំពោះលោក ប៉ុន្តែការចុះទៅក្លឹបណាមួយគឺក្លឹបនោះមានលក្ខណៈពិសេសៗហើយ។
ប្រមុខដឹកនាំសកម្មរូបនេះបន្តប្រាប់ទៀតថា ក្លឹបក្ដីចាស់នេះ គឺជាក្លឹបល្បី និងសំបូរធនធានកីឡាករល្អៗច្រើន ជាពិសេសនោះសិស្សគុនក្លឹបនេះបាននាំជ័យជម្នះ មុខមាត់ជូនប្រទេសជាតិក្នុងឆាកអន្តរជាតិជាច្រើន ដូច្នេះហើយឯកឧត្ដមចិញ្ចឹមចិត្តមានពេលសមស្របណាមួយចុះមកផ្ទាល់បែបនេះតែម្ដង។ មួយវិញទៀតការចុះមកនេះក៏ជាឱកាសសម្លឹងមើលធនធានទំពាំងស្នងឫស្សីសម្រាប់បន្តវេនសិស្សច្បងៗផងដែរ។ ប្រធានសហព័ន្ធខាងលើ មិនអាងតែបច្ចុប្បន្នខ្លាំងហើយមិនចាំអារម្មណ៍រកធនធានថ្មីៗទៀតនោះទេ ពោល ITF តែងតែផ្ដោតជានិច្ចសម្រាប់អ្នកស្នងបន្ត និងតែងតែស្វែងរកតាមគ្រប់ទិសទីមិនថានៅក្លឹបខេត្ត ឬរាជធានីភ្នំពេញឡើយ។
រំលឹកដែរថា ឯកឧត្ដម កែវ រ៉េមី រួមហ្នឹងថ្នាក់ដឹកនាំសហព័ន្ធជាច្រើនរូបបានចុះទៅទស្សនាការប្រកួត និងសម្ដែងរបស់ក្លឹបក្ដីចាស់ កាលពីរសៀលថ្ងៃសៅរ៍ ទី៣ ខែតុលា ឆ្នាំ២០២០ នៅឯបាក់ខែង។ ក្នុងនោះក៏មានការចូលរួមពីសំណាក់មេឃុំ និងអាណាព្យាបាលរបស់កីឡាករ កីឡាការិនីជាច្រើននាក់ផងដែរ៕
វីដេអូ៖