- 2020-09-21 07:48:35
- បាល់ទាត់
ជិត៣៦ហើយ លោក Pirlo ថា Ronaldo នឹងលេងតែប្រកួតសំខាន់ប៉ុណ្ណោះ
- 2020-09-21 07:48:35
- ចំនួនមតិ 0 | ចំនួនចែករំលែក 0
ជិត៣៦ហើយ លោក Pirlo ថា Ronaldo នឹងលេងតែប្រកួតសំខាន់ប៉ុណ្ណោះ
ចន្លោះមិនឃើញ
Andrea Pirlo បានដឹកនាំក្រុម Juventus ប្រកួតផ្លូវការជាលើកដំបូង ដោយយកឈ្នះលើក្រុម Sampdoria ក្នុងលទ្ធផល ៣-០។
៣គ្រាប់ដែលរកបាននៅយប់មិញនេះ កើតចេញពីខ្សែប្រយុទ្ធវ័យក្មេងចំណូលថ្មី Dejan Kulusevski ១គ្រាប់ ខ្សែការពារ Leonardo Bonucci មួយគ្រាប់ និងគ្រាប់ទី៣កើតចេញពី Cristiano Ronaldo ។ ត្បិតតែនៅមានសមត្ថភាពអាចរកគ្រាប់បាល់បានក៏ពិតមែន ប៉ុន្តែ Ronaldo ត្រូវបានគ្រូបង្វឹក Pirlo អះអាងថាវ័យរបស់គេជ្រេណាស់ហើយ មិនអាចលេងបានគ្រប់ប្រកួតទៀតទេ។
នៅប៉ុន្មានខែទៀត ឈានចូលវ័យ៣៦ឆ្នាំខ្សែប្រយុទ្ធ Cristiano Ronaldo ត្រូវបានលោក Pirlo អះអាងថា៖ “យើងបានស្វែងរកវិធីល្អបំផុតសម្រាប់ប្រើប្រាស់ Ronaldo ហើយយើងក៏បាននិយាយគ្នារួចដែរ។ គាត់មិនទាន់ហត់នឿយនៅឡើយទេ ព្រោះយើងទើបចាប់ផ្ដើម ប៉ុន្តែនៅពេលយើងឈានដល់ប្រកួតដែលមិនសូវសំខាន់ យើងនឹងព្យាយាមឱ្យបានបានសម្រាក”៕