- 2020-09-03 04:13:50
- ប្រដាល់
វណ្ណថង សរសើរ ម៉ឺន មេឃា ល្អខ្លាំង៣ចំណុចមុនប៉ះគ្នាដណ្ដើមប្រាក់លានថ្ងៃសៅរ៍នេះ
- 2020-09-03 04:13:50
- ចំនួនមតិ 0 | ចំនួនចែករំលែក 0
វណ្ណថង សរសើរ ម៉ឺន មេឃា ល្អខ្លាំង៣ចំណុចមុនប៉ះគ្នាដណ្ដើមប្រាក់លានថ្ងៃសៅរ៍នេះ
ចន្លោះមិនឃើញ
អ្នកលេងក្បាច់គុនមកពីខេត្តបាត់ដំបង ឈិត សេរីវណ្ណថង សរសើរកីឡាករ ម៉ឺន មេឃា ល្អខ្លាំង៣ចំណុចនេះ ទី១ កណ្ដាប់ដៃធ្ងន់ ទី២ ទាត់ធ្ងន់ និងទី៣ ការពារបានល្អ។ (រូបភាពក្របខាងក្រៅរបស់ Sport Zone)
ឈិត សេរីវណ្ណថង បានឲ្យដឹងថា នេះបើតាមការជួបគ្នាកន្លងទៅជាមួយ ម៉ឺន មេឃា នោះគេគឺជាកីឡាករល្អ និងមានសមត្ថភាពមួយរូបហើយក៏មានការពិបាកដែរក្នុងការប៉ះគ្នាលើកមុននោះ។ ចំណុចល្អរបស់ មេឃា គឺចេញធ្ងន់ កណ្ដាប់ដៃ ទាត់ធ្ងន់ទាំងអស់ មួយវិញទៀតក៏ពូកែបិទផងដែរមិនងាយវ៉ៃចូលឡើយ។
សិស្សគុនមកពី រាហ៊ូកីឡាខេត្តបាត់ដំបង ខាងលើនេះលើកឡើងទៀតថា ខ្លួននឹងប្ដេជ្ញាចិត្តខំប្រឹងធ្វើឲ្យបានល្អ ប្រកួតឲ្យអស់ពីសមត្ថភាព។ ចំពោះការហ្វឹកហាត់វិញគិតទៅបានប្រហែល១០ថ្ងៃដែរទម្រាំដល់ថ្ងៃប្រកួត។
បញ្ជាក់ដែរថា ឈិត សេរីវណ្ណថង នឹងត្រូវប៉ះ ម៉ឺន មេឃា សងសឹកហើយក៏ជាការប្រកួតដណ្ដើមប្រាក់លានផងដែរនៅថ្ងៃសៅរ៍ ទី៥ ខែកញ្ញា ឆ្នាំ២០២០។ ការប្រកួតនេះធ្វើឡើងនៅសង្វៀន CNC ក្នុងកម្មវិធីខារ៉ាបាវ ចាប់ពីម៉ោង ២រសៀលតទៅ៕
