- 2020-09-02 03:01:13
- ប្រដាល់
ឯម សុធី ប្រកួតបែក៣១ថ្នេរ មិនហ៊ានទៅស្រុកជួបម្ដាយទេខ្លាចពិបាកចិត្តបន្ថែម
- 2020-09-02 03:01:13
- ចំនួនមតិ 0 | ចំនួនចែករំលែក 0
ឯម សុធី ប្រកួតបែក៣១ថ្នេរ មិនហ៊ានទៅស្រុកជួបម្ដាយទេខ្លាចពិបាកចិត្តបន្ថែម
ចន្លោះមិនឃើញ
អ្នកលេងគុនខ្មែរមកពីក្លឹបនិរោធមានជ័យ ឯម សុធី ថាមានរបួសបែក ៣១ថ្នេរនេះហើយលែងហ៊ានទៅជួបម្ដាយនៅស្រុកកំណើតហើយ ព្រោះខ្លាចម្ដាយរឹតតែពិបាកចិត្ត និងឈឺថែមទៀត។
នេះបើតាមលោក ឯម វុត្ថា ដែលគ្រូបង្វឹករបស់ ឯម សុធី បានឲ្យដឹងថា ម្ដាយរបស់កូនសិស្សខ្លួនរូបនេះគឺកំពុងតែមានជំងឺនៅឯស្រុកកំណើតផងដែរ។ ឯម សុធី មួយរយៈពេលគឺប្រឹងប្រកួតដើម្បីយកថវិកាទៅជួយព្យាបាលម្ដាយ ប៉ុន្តែ១ប្រកួតចុងក្រោយកាលពីថ្ងៃសៅរ៍សប្ដាហ៍មុននេះមានរបួសធ្ងន់ដេរច្រើនថ្នេរទៅហើយ។
គ្រូបង្វឹកខាងលើនេះបន្តប្រាប់ទៀតថា ឯម សុធី មានរបួសដេរ៣១ថ្នេរបែបនេះរូបគេមិនហ៊ានទៅស្រុកជួបមុខម្ដាយនោះទេ ព្រោះខ្លាចពេលម្ដាយឃើញស្ថានភាពខ្លួននៅពេលនេះនឹងមានការពិបាកចិត្តបន្ថែម វាប៉ះពាល់ដល់ជំងឺដែលកំពុងមានស្រាប់ ដូច្នេះនៅទ្រាំព្យាបាលខ្លួនឲ្យជាសិនបានទៅ។
រំលឹកដែរថា អ្នកលេងគុនខ្មែរ ឯម សុធី បានមានរបួសបែក ៣១ថ្នេរ នៅពេលដែលយកឈ្នះកីឡាករ វៀត ប៊ុនឌឿន កាលពីថ្ងៃសៅរ៍ ទី២៩ ខែសីហា ឆ្នាំ២០២០ នៅឯសង្វៀនបាយ័ន។ សុធី ជាសិស្សគុនមកពីក្លឹបនិរោធនមានជ័យ ៕