- 2020-08-28 11:19:32
- ព័ត៌មាន
ប្រធានក្លឹប Barca ចង់ដោះដូរ Griezmann នឹង Felix ជាមួយ Atletico
- 2020-08-28 11:19:32
- ចំនួនមតិ 0 | ចំនួនចែករំលែក 0
ប្រធានក្លឹប Barca ចង់ដោះដូរ Griezmann នឹង Felix ជាមួយ Atletico
ចន្លោះមិនឃើញ
ប្រធានក្លឹប Barcelona លោក Josep Maria Bartomeu បានដាក់សំណើទៅកាន់ក្លឹប Atletico Madrid ក្នុងបំណងដោះដូរខ្សែប្រយុទ្ធបារាំង Antoine Griezmann ជាថ្នូរនឹងបានវិញខ្សែប្រយុទ្ធព័រទុយហ្គាល់ Joao Felix នេះបើតាមការចុះផ្សាយរបស់សារព័ត៌មានអេស្ប៉ាញ Marca។
សារព័ត៌មានដដែលបានឲ្យដឹងថា ខាងភាគី Atletico ទាត់ចោលនឹងសំណើដោះដូរនេះ ប៉ុន្តែប្រធានក្លឹប Atletico នៅមានបំណងក្នុងការទិញ Griezmann ត្រលប់មករាជធានីម៉ាឌ្រីដវិញ។ ចំពោះគោលបំណងនេះដែរ ខាង Barcelona ហាក់ដូចជាមិនព្រមឡើយ។
Griezmann ជាកីឡាករម្នាក់ ចំណោម ៧នាក់នៅ Barcelona ដែលមិនស្ថិតក្នុងបញ្ជីក្នុងការលក់ចេញ។ ក្នុងពេលថ្មីៗនេះដែរ ក្លឹប Barcelona កំពុងតែមានរឿងច្របូកច្របល់ទាក់ទិននឹងអនាគតរបស់ខ្សែប្រយុទ្ធ Lionel Messi និង Luiz Suarez ដូច្នេះហើយការលក់ Griezmann មិនមែនជាជម្រើសមួយរបស់ Barca ឡើយ។
លើសពីនេះទៀត បើតាមការវិភាគរបស់សារព័ត៌មាន L'Equipe បានឲ្យដឹងថា Griezmann នឹងក្លាយជាកីឡាករកូនសោររបស់គ្រូបង្គោលថ្មីលោក Ronald Koeman៕