- 2020-08-27 01:00:00
- បាល់ទាត់
ព្រឹទ្ធាចារ្យបាល់ទាត់៖ ណូរុន ល្អហើយ តែនៅស្ទើរជាង វឌ្ឍនាកា ត្រង់ចំណុចនេះ
- 2020-08-27 01:00:00
- ចំនួនមតិ 0 | ចំនួនចែករំលែក 0
ព្រឹទ្ធាចារ្យបាល់ទាត់៖ ណូរុន ល្អហើយ តែនៅស្ទើរជាង វឌ្ឍនាកា ត្រង់ចំណុចនេះ
ចន្លោះមិនឃើញ
លោក ទេព ឡុងរចនា អ្នកចាត់ការក្រុមកងយោធពលខេមរភូមិន្ទ (ទ័ព) ក៏អាចចាត់ទុកថា ជាព្រឹទ្ធាចារ្យបាល់ទាត់ម្នាក់នៅកម្ពុជា បានធ្វើការសរសើរខ្សែប្រយុទ្ធរបស់បឹងកេត ម៉ាត់ ណូរុន និង សៀង ចន្ធា មានសមត្ថភាពខ្ពស់ក្នុងការបង្ហាញក្នុងលីគកំពូលកម្ពុជារដូវកាលនេះ។
ម៉ាត់ ណូរុន និងសៀង ចន្ធា បានសហការគ្នាជួយក្រុមបឹងកេតឲ្យឡើងមកលើគេក្នុងតារាងលីគកំពូលកម្ពុជា។ ក្នុងការបង្ហាញខ្លួនល្អបែបនេះលោក ទេព ឡុងរចនា យល់ឃើញថា « បាទ! ណូរុន គេល្អហើយ តែបើធៀបជាមួយ វឌ្ឍនាកា គេនៅស្ទើរជាង វឌ្ឍនាកា ត្រង់បទពិសោធ ។ បើសិនមួយរយៈពេលទៀត ណូរុន អាចល្អដូច ឬ ល្អជាង វឌ្ឍនាកា ផងមិនដឹង» ។
លោកមើលឃើញទៀតថា សមត្ថភាពបញ្ចប់ទី និងភាពវ័យឆ្លាតលើទីលានរបស់ ណូរុន ពេលនេះនៅកម្ពុជាគ្មានអ្នកណាលើគេឡើយ។
គិតត្រឹមសប្ដាហ៍ទី១២ ម៉ាត់ ណូរុន រកបាន ១៣ គ្រាប់ហើយ ដែលចំនួនគ្រាប់បាល់នេះគឺច្រើនជាងកីឡាករកម្ពុជាណាណាទាំងអស់ក្នុងបញ្ជីអ្នករកគ្រាប់បាល់បានច្រើនជាងគេប្រចាំរដូវកាល២០២០៕