ព្រឹទ្ធាចារ្យបាល់ទះថា ស្រុកខ្មែរមានតែស្មាត់ម្នាក់នេះគត់ បោកខ្លាំងបោកឱ្យដៃគូដាច់បាយ!

2020-08-26 03:03:53
បាល់ទះ

2020-08-26 03:03:53
ចំនួនមតិ 0 | ចំនួនចែករំលែក 0

ចន្លោះមិនឃើញ

ព្រឹទ្ធាចារ្យបាល់ទះ ស្រីសារឿន សំណាង បានឱ្យដឹងថា បើនិយាយពីការប្រកួតបាល់ទះមិត្តភាពគីឡូធ្ងន់ក្រៅផ្លូវការនាពេលបច្ចុប្បន្ន មានតែស្មាត់ប៉ែតម្នាក់គត់ដែលបោកខ្លាំងជាងគេ។

ព្រឹទ្ធាចារ្យ (ស្ដាំ) និងម៉ាប់ឆ្វេង

បើតាមសម្ដីលោកព្រឹទ្ធាចារ្យ ស្នេហាវិស័យកីឡាបាល់ទះតាំងពីឆ្នាំ១៩៩៨ ស្មាត់ប៉ែតគឺចូលលំដាប់កំពូលបោកគីឡូធ្ងន់ស្រុកខ្មែរហើយ។ បើនិយាយពីគីឡូស្រាល លោកយល់ថាស្មាត់ ហ័រ កំពតល្អជាងគេ ព្រោះកីឡាកររូបនេះបោកលឿនហើយរហ័ស។

លោកព្រឹទ្ធាចារ្យ បានបញ្ជាក់បែបបែបនេះ ៖«...លេងបោកមានអ្នកណា បោកល្អជាងគេ មានតែស្មាត់ប៉ែត បោកពីលើពីលើ ហ្នឹងនិយាយរឿងបោក ហើយគីឡូតូចមានតែស្មាត់ហ័រកំពត អាហ្នឹងបានវាបោកលឿន...ដៃគូស្មាត់ទូចកំពត ដៃគូក្ដូតូចហ្នឹង»។

ស្មាត់ប៉ែត កំពូលបោក មួយម៉ែត្រមួយម៉ែត្រ

មានអ្នកគាំទ្រជាច្រើន បានសរសើរស្មាត់ រស់ ហាន់វ៉ា ហៅស្មាត់វ៉ាតាកែវថា បោកល្អបោកពីលើបាំង។ សម្រាប់ស្មាត់វ៉ានេះ ព្រឹទ្ធាចារ្យទទួលស្គាល់ថា ស្មាត់វ៉ាពិតជាបោកល្អបោកពីលើ និងមិនសូវជាប់ដៃ ប៉ុន្តែបើលេង៣ស្មើស្មាត់ធំពេញសាច់ដូចគ្នា លោកថាស្មាត់វ៉ាបោកមិនដល់ស្មាត់ប៉ែតឡើយ។

ព្រឹទ្ធាចារ្យវិភាគបាល់ទះស្រុកខ្មែរ បានសង្កត់ធ្ងន់ថា ៖«...វ៉ាបោកបោកហើយ តែបោកម៉េចឈ្នះស្មាត់ប៉ែត ម៉េចហ៊ានលេង៣ស្មើបោកជាមួយស្មាត់ប៉ែត បើស្មាត់ធំដូចគ្នា ម៉េចហ៊ានលេង អានោះបោកដាច់បាយ...បោកដាច់បាយ គឺបោកអត់មានអ្នកណាយកបាន គិតមើលបោកមួយម៉ែត្រមួយម៉ែត្រ បោកអត់មានអ្នកណាយកបាន...»។