/Footba/5f446e7640a40_1598320200_medium.jpg)
- 2020-08-25 01:59:25
- បាល់ទាត់
Pep រៀបគម្រោងឆ្មក់យក Messi បើ Barca លក់ថោកជាង៧០០លានអឺរ៉ូ
- 2020-08-25 01:59:25
- ចំនួនមតិ 0 | ចំនួនចែករំលែក 0
Pep រៀបគម្រោងឆ្មក់យក Messi បើ Barca លក់ថោកជាង៧០០លានអឺរ៉ូ
ចន្លោះមិនឃើញ
ក្រុម Manchester City កំពុងរៀបគម្រោងទិញយកខ្សែប្រយុទ្ធ Lionel Messi មករួមក្រុម ប្រសិនណាបើក្រុម Barcelona ព្រមលក់ខ្សែប្រយុទ្ធរូបនេះទាបជាង៧០០លានអឺរ៉ូ។
Messi កំពុងមិនទាន់ច្បាស់ពីអនាគតរបស់ខ្លួនឡើយ បន្ទាប់ពីបរាជ័យធ្ងន់កនៅរដូវកាលនេះ មិនបានពានរង្វាន់អ្វីមួយលើកទាល់តែសោះ។ អ្វីដែលកាន់តែធ្វើឱ្យប្រធានក្រុមរូបនេះ ពិបាកចិត្តថែមទៀតនោះ គឺការប្រកួតដែលចាញ់ Bayern Munich ដល់ទៅ៨-២ តែម្ដង។
ដោយសារតែឃើញកីឡាករអាហ្សង់ទីនមិនសប្បាយចិត្តនេះហើយ ទើបបានជាក្រុម Man City របស់លោក Pep កំពុងរៀបគម្រោង និងសិក្សាពីច្បាប់ Financial Fair Play (FFP) ដើម្បីជះលុយធំនាំយកមកលេងនៅអង់គ្លេសតែម្ដង។ ការសិក្សាបានបង្ហាញថារដូវកាលនេះ Man City អាចចាយលុយធំបាន ហើយបើ Barca លក់ថោកជាង៧០០លានអឺរ៉ូ នោះក្លឹបដែលមានសេដ្ឋីដឹកនាំនេះអាចចាយលុយទិញយកបានហើយ។
Messi នៅសល់កុងត្រា១រដូវកាលទៀតជាមួយក្រុម Barcelona ។ តែការបញ្ជាក់ក្នុងលិខិតកុងត្រារបស់គេ គឺសាមីខ្លួនបើសិនជាលែងសប្បាយចិត្តនៅក្នុងក្រុមហើយ រូបគេអាចស្នើសុំចាកចេញបានគ្រប់ពេលវេលា ឱ្យតែក្លឹបដែលគេចេញទៅនោះ ព្រមថ្លៃដល់កម្រិតដែល Barcelona ដាក់នោះ៕
