- 2020-08-24 04:01:05
- បាល់ទាត់
នេះជាមូលហេតុ Privat មិនជាប់ជម្រើសដំបូងឱ្យស្វាយរៀង
- 2020-08-24 04:01:05
- ចំនួនមតិ 0 | ចំនួនចែករំលែក 0
នេះជាមូលហេតុ Privat មិនជាប់ជម្រើសដំបូងឱ្យស្វាយរៀង
ចន្លោះមិនឃើញ
ក្រុមព្រះខ័នរាជស្វាយរៀង បានបរាជ័យក្រោមថ្វីជើងក្រុមបឹងកេត ក្នុងលទ្ធផល ៤-២ សម្រាប់ការប្រកួតចុងក្រោយនៃជើងទី១លីគកំពូលកម្ពុជា។
ក្នុងការប្រកួតនោះដែរ ក្រុមស្វាយរៀងមិនបានដាក់ខ្សែប្រយុទ្ធសំខាន់ក្នុងក្រុម Privat ឱ្យលេងនោះទេ ដែលធ្វើឱ្យអ្នកគាំទ្រចម្លែកចិត្តបន្ដិចដែរ។ កីឡាកររកគ្រាប់បាល់បានច្រើនរូបនេះ ត្រូវបានប្ដូរចូលឱ្យលេង បន្ទាប់ពីក្រុមស្វាយរៀង ត្រូវបឹងកេតរកគ្រាប់បាល់នាំមុខបានទៅហើយ។ ខណៈដែលវត្តមានរបស់គេនៅលើទីលាន ក៏ធ្វើឱ្យស្វាយរៀងវាយបកបានគ្រាប់បាល់វិញ និងផ្លាស់ប្ដូរការប្រកួតឱ្យកាន់តែជក់ចិត្តបន្ថែមទៀតផងដែរ។
ចំពោះមូលហេតុដែលមិនដាក់ឱ្យចូលលេងនៅជម្រើស១១នាក់ដំបូងនោះ ត្រូវបានលោក Conor Nestor គ្រូបង្វឹកស្វាយរៀងបញ្ជាក់ថាដោយសារតែ Privat មានបញ្ហាសុខភាព ផ្ដាសាយ២សប្ដាហ៍មកហើយ។ រូបគេទើបតែអាចចូលហ្វឹកហាត់ជាមួយក្រុម ១ថ្ងៃមុនប្រកួតប៉ុណ្ណោះ។ ដូច្នេះហើយ ទើបលោកមិនអាចដាក់ឱ្យលេងនៅជម្រើស១១នាក់ដំបូងបាន។
សូមបញ្ជាក់ថាបរាជ័យក្រោមថ្វីជើងបឹងកេតនោះ បានធ្វើឱ្យស្វាយរៀងដែលជាក្រុមការពារតំណែងជើងឯកលីគកំពូលកម្ពុជា ធ្លាក់មកលេខ២វិញហើយ។ ដោយក្រុមបឹងកេត ឡើងកំពូលតារាង នាំមុខ១ពិន្ទុ៕