- 2020-08-13 02:12:27
- បាល់ទាត់
Neymar ញាក់បាល់សាហាវណាស់យប់មិញ ទម្រាំ PSG ឈ្នះ Atalanta
- 2020-08-13 02:12:27
- ចំនួនមតិ 0 | ចំនួនចែករំលែក 0
Neymar ញាក់បាល់សាហាវណាស់យប់មិញ ទម្រាំ PSG ឈ្នះ Atalanta
ចន្លោះមិនឃើញ
ខ្សែប្រយុទ្ធ Neymar ពិតជាធ្វើបានល្អណាស់ ក្នុងការប្រកួតនៅយប់មិញនេះ បើទោះជាមិនអាចរកគ្រាប់បាល់បានមែន ប៉ុន្តែរូបគេជាតួអង្គសំខាន់ជួយក្រុមវាយបកយកឈ្នះ ២-១ នៅចុងម៉ោង។
ក្រុម Atalanta ពិតជាក្រុមខ្លាំងនិងឡើងជើងមួយមែនរបស់អ៊ីតាលី។ ពួកគេជាអ្នករកគ្រាប់បាល់នាំមុខបានមុននៅនាទី២៧ ដោយ Mario Pasalic ។ ១គ្រាប់នាំមុខនេះហើយ សឹងតែធ្វើឱ្យពួកគេទទួលបានជ័យជម្នះទៅហើយ តែមិននឹកស្មាននាទី៩០+ ទៅហើយ បែរជាភ្លាត់ឱ្យ PSG តាមស្មើ និងរកគ្រាប់បាល់ជ័យជម្នះបានទាល់តែសោះ។
សម្រាប់ការប្រកួតនៅយប់មិញនេះ គេសង្កេតឃើញ Neymar ខ្សែប្រយុទ្ធ PSG លេងបានល្អមែនទែន។ រូបគេញាក់ដាច់កីឡាករ Atalanta បានរហូតដល់១៦ដងឯណោះ ជាកំណត់ត្រាច្រើនបំផុតមួយនៅ UEFA Champions League រដូវកាលនេះ និងស្មើកំណត់ត្រាដែល Messi ធ្លាប់ធ្វើបាននៅឆ្នាំ២០០៨កន្លងទៅ៕