- 2020-07-30 02:18:37
- ប្រដាល់
សៀវ ង៉ុយ វ៉ៃបច្ចេកទេសដូចម្ដេចទើបអាចឈ្នះកីឡាករទើបឡើងកូដ បឺត ចិត្រា
- 2020-07-30 02:18:37
- ចំនួនមតិ 0 | ចំនួនចែករំលែក 0
សៀវ ង៉ុយ វ៉ៃបច្ចេកទេសដូចម្ដេចទើបអាចឈ្នះកីឡាករទើបឡើងកូដ បឺត ចិត្រា
ចន្លោះមិនឃើញ
អ្នកប្រដាល់ចាស់វស្សា សៀវ ង៉ុយ ប្រាប់ពីវិធីអាចយកឈ្នះសិស្សប្អូនដែលកំពុងឡើងកូដ បឺត ចិត្រា បាននោះគឺត្រងមានភាពវៃឆ្លាតជាងទើបបន្តឈ្នះក្នុងការសន្សំប្រាក់លាននៅទូរទស្សន៍បាយ័ន កាលពីថ្ងៃសៅរ៍សប្ដាហ៍មុន។
សៀវ ង៉ុយ បានឲ្យដឹងថា កីឡាករ បឺត ចិត្រា គឺមានកាយសម្បទាល្អ កំពុងពេញកម្លាំងជាពិសេសសន្ទុះនៃការដើរបុក ដូច្នេះដៃគូល្មមៗអាចនឹងចាញ់រូបគេ ឬទប់មិនជាប់។ ប៉ុន្តែអ្វីដែលជាចំណុចខ្វះខាតរបស់កីឡាកររូបនេះ គឺនៅមិនទាន់មានភាពវៃឆ្លាត នៅស្ទើរតិចនិកបន្តិច អាចដោយសារតែទើបប្រឡូកក្នុងវិស័យប្រដាល់។ កូនសិស្សលោក ធន់ សុភា រូបនេះព្យាយាមវ៉ៃយកពិន្ទុពី បឺត ចិត្រា និងមានស្នៀតទប់ស្កាត់ដៃគូមិនឲ្យវ៉ៃបកយកពិន្ទុវិញបាន ឬមិនឲ្យអោបលេងជង្គង់បានឡើយ។
សិស្សគុនមកពីសមាគមកីឡាក្រសួងការពារជាតិ ខាងលើនេះបន្តប្រាប់ទៀតថា ខ្លួនពិតជាមានចិត្តសប្បាយរីករាយដែលអាចយកឈ្នះសិស្សប្អូនកំពុងឡើងកូដម្នាក់។ ហ្នឹងរឹតតែសប្បាយចិត្តទៀតនោះគឺបានបន្តដំណើរទៅប្រកួតបន្ទាប់នៃការសន្សំប្រាក់លានកម្មវិធី Wurkz របស់សង្វៀនបាយ័ន។
កីឡាករ សៀវ ង៉ុយ ប្រកួតចុងក្រោយរបស់គេកាលពីថ្ងៃសៅរ៍ ទី២៥ ខែកក្កដា ២០២០ គឺយកឈ្នះពិន្ទុលើ បឺត ចិត្រា។ សៀវ ង៉ុយ ឈ្នះ២ប្រកួតហើយនៃការសន្សំប្រាក់លាន Wurkz ដូច្នេះឥលូវនេះមាន២លានក្នុងដៃបន្តដំណើរប្រកួតទី៣របស់ខ្លួននៅពេលខាងមុខទៀត៕
