- 2020-07-28 11:02:45
- បាល់ទាត់
ទូតអង់គ្លេស៖ កីឡាករ Real Madrid មិនមានសិទ្ធិសេរីភាពពេញលេញ អំឡុងប្រកួតប៉ះ Man City ទេ
- 2020-07-28 11:02:45
- ចំនួនមតិ 0 | ចំនួនចែករំលែក 0
ទូតអង់គ្លេស៖ កីឡាករ Real Madrid មិនមានសិទ្ធិសេរីភាពពេញលេញ អំឡុងប្រកួតប៉ះ Man City ទេ
ចន្លោះមិនឃើញ
ឯកអគ្គរាជទូតអង់គ្លេសប្រចាំអេស្ប៉ាញលោក Hugh Elliot បាននិយាយក្នុងកម្មវិធីមួយកាលពីពេលថ្មីៗនេះថា អំឡុងពេលប្រកួត UEFA Champions League ប៉ះនឹងក្លឹប Manchester City ក្រុមកីឡាករក្លឹប Real Madrid នឹងគេចផុតពីបម្រាមជាប់ចត្តាឡីស័ករយៈពេល ១៤ថ្ងៃ តែពួកគេមិនអាចដើរហើរសេរីបានទេ។
លោកបានលើកឡើងថា៖ " អ្នកដំណើរពីប្រទេសអេស្ប៉ាញមកកាន់អង់គ្លេស ត្រូវតែធ្វើចត្តាឡីស័ករយៈពេល ១៤ថ្ងៃ ប៉ុន្តែមានករណីលើកលែងមួយចំនួនសម្រាប់កីឡាករកំពូលៗ " ។
លោកទូតបានបន្តថា៖ " យ៉ាងណាមិញ ពួកគេមិនមានសេរីភាពពេញលេញទេ។ ចលនាបំលាស់ទីរបស់ពួកគេត្រូវតែគ្រប់គ្រងឲ្យបានដិតដល់ ដើម្បីឲ្យការប្រកួតដំណើរការបាន " ។
គួរបញ្ជាក់ផងដែរថា ក្លឹប Real Madrid នឹងទៅសួរសុខទុក្ខក្រុម Manchester City ដល់ដែនដីចក្រភពអង់គ្លេស សម្រាប់ជើងទី២ នៃប្រកួត UEFA Champions League ខណៈការប្រកួតជើងទី១ ប្រព្រឹត្តិទៅកាលពីខែកុម្ភៈកន្លងទៅ ដោយក្លឹបអង់គ្លេសយកឈ្នះ អេស្ប៉ាញ ២-១ ដល់ដី៕