មតិ៖ Ballon d'Or លប់ចោលជាការប្លន់ពានរបស់ Lewandowski ឆ្នាំនេះ

2020-07-21 03:02:35
បាល់ទាត់

2020-07-21 03:02:35
ចំនួនមតិ 0 | ចំនួនចែករំលែក 0

ចន្លោះមិនឃើញ

ប្រកាសដ៏ភ្ញាក់ផ្អើលមួយចេញពីស្ថាប័ន France Football បញ្ជាក់ថា ការប្រគល់ពានកីឡាករឆ្នើមទាំងបុរសនឹងស្ត្រី Ballon d'Or ឆ្នាំនេះត្រូវបានលុបចោលទាំងស្រុងក្រោមមូលហេតុជំងឺរាតត្បាតកូវីដ-១៩។

សម្រាប់ការប្រកាសនេះអាចធ្វើឲ្យខ្សែប្រយុទ្ធរបស់ Beryern Munich កីឡាករ Robert Lewandowski មានការខកចិត្តជាងគេ ដោយសារតែគេជាបេក្ខភាពរំពឹងខ្ពស់ឈ្នះពាននេះ។ វាអាចជាលើកដំបូងសម្រាប់កីឡាករវ័យ៣១ឆ្នាំសញ្ជាតិប៉ូឡូញអាចគ្រងពានកីឡាករឆ្នើមប្រចាំឆ្នាំ។

Lewandowski រកបានគ្រាប់បាល់គួរឲ្យចាប់អារម្មណ៍៥១គ្រាប់ ក្នុងការប្រកួតខ្លួន៤៩ប្រកួតឲ្យ Bayern គិតគ្រប់កម្មវិធី។ ជារឿងសោកស្ដាយឱកាសរបស់ Lewandowski ត្រូវបានរំសាយចោល ធ្វើឲ្យមានការពិភាក្សាជាច្រើនលើបណ្ដាញសង្គម។

មានការបង្ហោះជាច្រើនលើបណ្ដាញសង្គម Twitter ថា ការសម្រេចចេញលុបចោលនេះពិតជាឃោរឃៅសម្រាប់ Lewandowski ណាស់។ ខណៈអ្នកខ្លះនិយាយថា Lewandowski ត្រូវបានគេប្លន់ពានហើយ។ នេះជាលើកដំបូងដែល Ballon d'Or មិនប្រកាសអ្នកឈ្នះ ចាំតាំងពីបង្កើតនៅឆ្នាំ១៩៥៦៕

ប្រភព៖ The Sun ប្រែសម្រួល៖ ហេង សុធារិទ្ធិ