- 2020-07-20 04:34:52
- បាល់ទាត់
Zidane ៖ Real Madrid នឹងប្រយុទ្ធដល់វិនាទីចុងក្រោយ ទល់ Man City
- 2020-07-20 04:34:52
- ចំនួនមតិ 0 | ចំនួនចែករំលែក 0
Zidane ៖ Real Madrid នឹងប្រយុទ្ធដល់វិនាទីចុងក្រោយ ទល់ Man City
ចន្លោះមិនឃើញ
ក្រុម Real Madrid បានបញ្ចប់រដូវកាល La Liga ហើយ ដោយលេងស្មើក្រុម Leganes ក្នុងលទ្ធផល ២-២ និងជាម្ចាស់ជើងឯកលីគកំពូលអេស្ប៉ាញនេះផងដែរ។
ក្រុមអធិរាជសនេះ តាំងពីលីគបើកឡើងវិញមក ពួកគេធ្វើបានយ៉ាងល្អ ដោយឆ្លងកាត់១១ប្រកួតចុងក្រោយ អាចយកបាន៣១ពិន្ទុ និងក្លាយជាជើងឯក La Liga ។ ការសម្រេចគោលដៅនេះបានហើយ ទើបវាបានក្លាយជាកម្លាំងចិត្តយ៉ាងធំសម្រាប់ក្រុមរបស់លោក Zidane ក្នុងការវាយបកយកឈ្នះលើក្រុម Man City វិញផងដែរ សម្រាប់ជើងទី២ ពានរង្វាន់ UEFA Champions League ។
Zidane បាននិយាយថា៖ “យើងនឹងបន្ដប្រយុទ្ធរហូតដល់វិនាទីចុងក្រោយ។ ពេលនេះយើងនឹងសម្រាកបន្តិច ព្រោះសប្ដាហ៍មុនកីឡាកររបស់យើងហត់នឿយខ្លាំងមែនទែន”។ រំលឹកថាកាលពីជើងទី១កន្លងទៅ ក្រុម Real Madrid បានចាញ់ក្រុម Man City ក្នុងលទ្ធផល ២-១ រួចមកហើយ។ ជើងទី២ វគ្គ១៦ក្រុមចុងក្រោយ UCL នេះ នឹងធ្វើឡើងនៅយប់ថ្ងៃទី៧ខែសីហាឆ្នាំ២០២០ខាងមុខនេះ៕