- 2020-07-06 08:18:56
- បាល់ទាត់
ស្អាតហើយពូកែទៀត! សង្សារ Pogba អតីតភ្នាក់ងារលក់អចលនទ្រព្យនិងតារាម៉ូដែល
- 2020-07-06 08:18:56
- ចំនួនមតិ 0 | ចំនួនចែករំលែក 0
ស្អាតហើយពូកែទៀត! សង្សារ Pogba អតីតភ្នាក់ងារលក់អចលនទ្រព្យនិងតារាម៉ូដែល
ចន្លោះមិនឃើញ
Paul Pogba តារាបាល់ទាត់ល្បីឈ្មោះរបស់ក្រុមជម្រើសជាតិបារាំង និងលេងឱ្យក្លឹបអាជីព Manchester United នាពេលបច្ចុប្បន្ននេះ។
តារាបាល់ទាត់ដែលគេនិយមឃើញប្ដូរម៉ូដសក់ដូចប្ដូរខោអាវនេះ មានមិត្តស្រីស្រស់ស្អាតខ្លាំងមែនទែន និងជាអ្នករកស៊ីខាងលក់អចលនទ្រព្យនៅអាមេរិកផងដែរ។ នាងឈ្មោះថា Maria Zulay Salaues ជាជនជាតិបូលីវី តែរស់នៅអាមេរិក។ ស្រីស្រស់សម្រស់បានរូបនេះ ត្រូវបានគេដឹងថាមានទំនាក់ទំនងជាមួយ Pogba តាំងពីឆ្នាំ២០១៧មក ពោលគឺគ្រាដែលកីឡាករបារាំងនេះទៅលេងមិត្តភាពនៅអាមេរិក។
ថ្ងៃនេះដែរ Sabay នឹងលើកយកប្រវត្តិរបស់មិត្តស្រីតារាល្បីឈ្មោះ Pogba ឱ្យមិត្តអ្នកអានបានស្គាល់ទាំងអស់គ្នាឱ្យកាន់តែច្បាស់ផងដែរ។ Maria Zulay Salaues នេះកើតនៅឆ្នាំ១៩៩៦ នៅប្រទេសបូលីវី។ នៅស្រុកកំណើតនេះ នាងរៀនជំនាញសេដ្ឋកិច្ចនៅសាកលវិទ្យាល័យ University of Bolivia ។ តែបន្ទាប់ពីនោះមក នាងក៏បានមករស់នៅអាមេរិក ហើយចាប់អាជីពជាអ្នកលក់អចលនទ្រព្យវិញ។ បន្ទាប់ពីធ្វើការងារនេះបានមួយរយៈ ដោយសារតែសម្រស់ស្រស់ស្អាតខ្លាំងពេក Maria ក៏បានសម្រេចចិត្តប្រឡូកក្នុងវិស័យម៉ូដែលបន្ថែមទៀត រហូតបានជួបជាមួយ Pogba តារាបាល់ទាត់តែម្ដង។
បច្ចុប្បន្ននេះ Pogba នឹងមិត្តស្រីទទួលបានចំណងដៃកូនម្នាក់ហើយ និងត្រូវបានគេដឹងថាពួកគេរួមរស់ជាមួយគ្នានៅអង់គ្លេស។ Maria ត្រូវបានគ្រួសាររបស់ Pogba ស្រលាញ់ខ្លាំងណាស់ ដោយកម្មវិធីជាច្រើនតែងតែឃើញនាងទៅចូលរួម និងអង្គុយជាមួយម្ដាយរបស់ Pogba ជាប់ជានិច្ច៕